بتخوني
لقيت مامته قالت ببرود
_ و أي المشكلة يعني؟
_ أي المشكلة! بقولك إبنك بيكلم واحدة…
_ ما كل الرجالة كدا يا حبيبتي، هتلاقي التقصير منك
_ كل الرجالة إزاي يعني، لي يا عمو أنت بتعمل كدا برضو و عندكوا الموضوع عادي؟!
_عيب كدا يابنتي، و أنتِ يا أم نوح بتقولي أي أنتِ كمان
_ في أي ما الشباب كلهم كدا و بيغلطوا، هتعليقلوا حب المشنـ.قة؟! عادي دي غلطة يعني مش حكاية، و بعدين دا مجرد كلام، بلاش تكبري الموضوع و تخربي على بيتك، لمي نفسك و أهدي و الموضوع هيتحل، وهو ماعتش هيكلمها صح يا نوح
_ صح يا ماما دي غلطة
_ غلطة؟ و أسكت؟! آه لا دا انتوا مشجعينوا، طب حلو أنا بقا مش هلم الموضوع أنا هبعتره و هتشوفه ..
_مريم … مريم
_الحقوا يا ناس شوفوا جوزي المحترم، جوزي المحترم بيكلم واحدة و مامته بتقولي الرجالة كلها كدا
_مريم مريم عيب إللي بتعمليه دا يا مريم أنتِ كدا بتفضحيني عيب كدا
_عيب! و أنتوا تعرفوا العيب، دا أنا شايفة الصور بعيني، وبعدين استنى لما نشوف الناس دي عندهم عادي ولا أي، أصل أنا متربية في بيت الرجالة فيه معندهاش الكلام دا عادي، هتصل بيهم دلوقتي يعلموك الاحترام إزاي
_ادخلي جوا يا بنتي عيب كدا، وطي صوتك ميصحش الفضايح دي
_فضايح أي يا عمو أنت لسه مشوفتش المحادثة بينهم عاملة إزاي، دا أنا مفتحتش شات، دا أنا فتحت باب أوضة نوم، دا أنا ماقولتش على إللي حصل من كسوفي والله، بس طلاما طنط قالت كل الرجالة كدا، لا نشوف الرجالة بقا رأيها أي
مسك دراعي جامد وشدني على السلم عايز يطلعني السلم غصب، لكن أنا زقيته وطلعت أجري على فوق، وقفات الباب عليا بالمفتاح و أتصلت بأهلي
كنت مصدومة وشعور بالغدر جوايا كبير، مفيش مبرر ابدًا للي عمله دا كسرني، ثقتي اتدمرت، و عمري ما هثق فيه، الراجل إللي يعمل كدا بكل عاقلة، و يبرر بالشكل دا، يبقى عمره ما هيحافظ على النعمة إللي في أيده، و أنا استاهل اتشال في العين
بابا و أخويا جه بسرعة و هو طلع معاهم وهو مرعوب
_في أي يابنتي حصل أي، جيبانا على نار وشنا
_ مفيش حاجة يا عمي مشكلة صغيرة بس مريم كبرتها، محصلش حاجة
اتكلمت بعصبية
_اسكت أنت، تعرف تسكت خالص، البيه يا بابا بيخو.ني مع واحدة، قفشت الفون بتاعه و ما بينهم غرميات و مكالمات بالساعات و صور، ربنا كشفه قدامي لما نسى الفون بتاعة ودخل ياخد شور، فاكرني معفلة و مش هعرف افتح الفون، بس ربنا حب يكشفه و الهانم رنت عليه .. لا و بيبجح ويقولي أنا السبب، و مامته تقولي أي يعني كل الرجالة كدا، كنت حابه اعرف هل الرجالة كدا، أصل أنا خارجة من بيت محترم
