السيوفي واقف ف قصره
نادية وقفت في النص قدام أحمد وهي بتتنفس بسرعة كأنها جريت مسافة طويلة
قالت بصوت مهزوز بس فيه قوة
متخليهوش يشرب ده
أحمد بص لها بصدمة
انتي بتقولي ايه
داليا اتغيرت ملامحها في ثانية واحدة وبقت هادية زيادة عن اللزوم
دي شغالة جديدة يا أحمد وبتدخل نفسها في اللي مالهاش فيه
يوسف كان بيصرخ أكتر وبيمسك بطنه وبيقول
هي اللي جوايا هي اللي جوايا متخلوهوش يقرب مني
نادية قربت خطوة وقالت بسرعة وهي بتبص في عيني أحمد
أنا شوفتها يا باشا امبارح وهي بتحط حاجة غريبة في المشروب بتاعه
الصمت وقع في القصر كله لحظة
أحمد بص لداليا
تي حطيتي ايه في الكوباية دي
داليا ضحكت ضحكة قصيرة كأنها مش مصدقة
انت بتهزر صح ابنك بيهلوس ودي شغالة جاية من أول يوم تتهمني
لكن يوسف في اللحظة دي صرخ صرخة عالية ووقع على الأرض فقد توازنه
جسمه كله اتشنج بشكل مرعـ,ـب
أحمد رمى الكوباية بعيد
والسائل اتناثر على الأرض ريحته كانت غريبة تقيلة مش طبيعية
نادية بصت للأرض وقالت
دي مش حاجة عادية دي حاجة بتأثر على الأعصاب
أحمد فجأة مسك يوسف وصرخ في الأمن ينادي دكتور حالا
داليا كانت واقفة لكن عينيها لأول مرة فيها توتر بسيط
مش خوف لكن حسابات
الدكتور وصل بسرعة وبدأ يفحص الطفل
وبعد دقائق قليلة قال جملة خلت قلب أحمد يقف
الطفل مش طبيعي في حالة تسمم أو تأثير مادة غريبة بس محتاج تحليل فوري
أحمد بص لداليا
انتي عملتي ايه في ابني
داليا ردت ببرود
ولا حاجة
لكن نادية ما سكتتش
أنا شفتها بعيني امبارح في المطبخ وهي بتكلم حد في التليفون وبتقول إن الجرعات لازم تزيد شوية شوية
أحمد حس إن دماغه بتتفجر
الدكتور خد يوسف بسرعة على المستشفى وأحمد ركب وراه من غير ما يفكر
في العربية يوسف كان بيهمس بصوت ضعيف
