وصلت ديمه للقصر

الفصل الرابع

ﺩﻟﻔﺖ ﻣﻦ ﺍﻟﺒﻮﺍﺑﺔ ﺍﻟﺮﺋﻴﺴﻴﺔ ﻟﻠﺸﺮﻛﺔ ﺍﻟﺨﺎﺻﺔ ﺑﻬﺎ ﺃﺧﻴﺮﺍً
ﻭﺑﻌﺪ ﻃﻮﻝ ﻏﻴﺎﺏ ، ﻧﻬﻀﺖ ﻣﻴﺮﻧﺎ ﻭﻣﺎﺭﻱ ﻣﻦ ﺧﻠﻒ ﻣﻜﺘﺐ
ﺍﻹﺳﺘﻘﺒﺎﻝ ﻳﻨﻈﺮﻭﻥ ﺇﻟﻴﻬﺎ ﺑﺈﺳﺘﻐﺮﺍﺏ ﺣﺘﻰ ﻭﻗﻔﺖ ﺃﻣﺎﻣﻬﻤﺎ
ﻭﺧﻠﻌﺖ ﻧﻈﺎﺭﺗﻬﺎ ﺍﻟﺸﻤﺴﻴﺔ ﻛﻲ ﺗﻠﻘﻲ ﺗﺤﻴﺔ ﺍﻟﺼﺒﺎﺡ
ﺑﺎﺳﻤﺔ ، ﻛﺎﻧﺖ ﻣﻴﺮﻧﺎ ﺃﻭﻝ ﻣﻦ ﺳﻴﻄﺮﺕ ﻋﻠﻰ ﻧﻔﺴﻬﺎ
ﻭﻗﺎﻟﺖ : ﺇﻳﻪ ﺩﺍ ؟ …
ﺇﻧﺘﻲ ﺟﻴﺘﻲ ﺍﻟﺸﺮﻛﺔ ؟
ﺿﺤﻜﺖ ﺩﻳﻤﺎ ﻣﺠﻴﺒﺔ: ﻻ ﻟﺴﻪ ﻣﺎ ﺟﺘﺶ
ﻗﺎﻟﺖ ﻣﻴﺮﻧﺎ ﺑﻀﻴﻖ: ﺑﻼﺵ ﺗﺮﻳﻘﻪ … ﻣﺶ ﺇﻧﺘﻲ ﺍﻟﻠﻲ ﻗﻮﻟﺘﻲ
ﻣﺶ ﻫﺄﺟﻲ ﺍﻟﺸﺮﻛﺔ ﺩﻱ ﺗﺎﻧﻲ ؟
ﻣﺎﺭﻱ : ﺧﻼﺹ ﻳﺎ ﻣﻴﺮﻧﺎ … ﺩﻱ ﺷﺮﻛﺘﻬﺎ ﺗﻴﺠﻲ ﻭﻗﺖ ﻣﺎ
ﺗﺤﺐ … ﺍﻟﺸﺮﻛﺔ ﻧﻮﺭﺕ ﺑﻮﺟﻮﺩﻙ ﻳﺎ ﺩﻳﻤﺎ
ﺍﺗﺠﻬﺖ ﺩﻳﻤﺎ ﻟﻠﻤﺼﻌﺪ ﺑﻌﺪ ﺃﻥ ﻗﺎﻟﺖ: ﻫﺎﺷﺮﺣﻠﻜﻮﺍ ﻛﻞ ﺣﺎﺟﻪ
ﺑﻌﺪﻳﻦ ﺃﻧﺎ ﻭﺭﺍﻳﺎ ﺣﺎﺟﺎﺕ ﻛﺘﻴﺮ … ﺃﺷﻮﻓﻜﻮﺍ ﺑﻌﺪﻳﻦ ﻳﺎ ﺑﻨﺎﺕ
ﺑﻌﺪ ﺍﻧﺼﺮﺍﻓﻬﺎ ﻧﻈﺮﺕ ﻣﻴﺮﻧﺎ ﺇﻟﻰ ﺻﺪﻳﻘﺘﻬﺎ ﻗﺎﺋﻠﺔ : ﺑﺰﻣﺘﻚ
ﺇﻧﺘﻲ ﻓﺎﻫﻤﻪ ﺣﺎﺟﻪ ؟
ﺃﺟﺎﺑﺘﻬﺎ ﻣﺎﺭﻱ ﺑﻬﺰﻩ ﻣﻦ ﺭﺃﺳﻬﺎ ﺗﻌﻨﻲ ﺍﻟﻨﻔﻲ.
ﻭﺿﻌﺖ ﻣﻴﺮﻧﺎ ﻳﺪﻫﺎ ﻓﻮﻕ ﺭﺃﺳﻬﺎ: ﻳﺎ ﻣﺜﺒﺖ ﺍﻟﻌﻘﻞ ﻭﺍﻟﺪﻳﻦ ﻳﺎ
ﺭﺏ
ﻣﺎﺭﻱ : ﻳﻼ ﻧﺮﺟﻊ ﻧﺸﺘﻐﻞ … ﺃﻫﻮ ﺣﺎﺟﻪ ﻓﺎﻫﻤﻴﻨﻬﺎ ﻭﺧﻼﺹ
ﻣﻴﺮﻧﺎ: ﻋﻠﻰ ﺭﺃﻳﻚ.
– ﻣﺎ ﺗﻌﺮﻓﻮﺵ ﻳﺎ ﺑﻨﺎﺕ ﺃﻧﺎ ﺑﺎﺳﺘﻨﻰ ﺍﻟﻮﻗﺖ ﺍﻟﻠﻲ ﺑﻨﺘﺠﻤﻊ
ﻓﻴﻪ ﻛﻞ ﺃﺳﺒﻮﻉ ﺩﺍ ﺇﺯﺍﻱ … ﺩﺍ ﺑﻘﻰ ﺯﻱ ﺍﻹﺩﻣﺎﻥ ﻋﻨﺪﻱ !
ﺗﻨﻬﺪﺕ ﻣﺎﺭﻱ ﻗﺎﺋﻠﺔ: ﻭﻣﻴﻦ ﺳﻤﻌﻚ ﻳﺎ ﺭﻧﻮﺵ … ﺑﺠﺪ ﺃﺣﻠﻰ
ﺣﺎﺟﻪ ﻓﻲ ﺣﻴﺎﺗﻲ ﻫﻮ ﺃﻧﺘﻮﺍ
ﺍﺑﺘﺴﻤﺖ ﻣﺮﻳﻢ : ﺭﺑﻨﺎ ﻳﺨﻠﻴﻨﺎ ﻟﺒﻌﺾ ﻭﻧﻔﻀﻞ ﻋﻠﻰ ﻃﻮﻝ ﺳﻮﺍ
ﻣﻴﺮﻧﺎ ﺑﻀﻴﻖ : ﻣﻤﻜﻦ ﺑﻘﻰ ﻧﺒﻄﻞ ﻧﺤﺐ ﻓﻲ ﺑﻌﺾ ﻭﺍﻷﺳﺘﺎﺫﺓ
ﺩﻳﻤﺎ ﺗﺤﻜﻴﻠﻨﺎ ﺍﻟﻠﻲ ﺣﺼﻞ ﻭﺧﻼﻫﺎ ﺗﻐﻴﺮ ﺭﺃﻳﻬﺎ ﻓﻲ ﺣﻜﺎﻳﺔ
ﺍﻟﺮﺟﻮﻉ ﻟﻠﺸﺮﻛﺔ ﺩﻱ ؟
ﻗﺎﻟﺖ ﻫﺪﻯ ﺑﺪﻫﺸﺔ : ﺇﻳﻪ ﺩﺍ ؟ ﻫﻮ ﺇﻧﺘﻲ ﺭﺟﻌﺘﻲ ﻟﻠﺸﺮﻛﺔ
ﺑﺘﺎﻋﺘﻚ ﻳﺎ ﺩﻳﻤﺎ ؟
ﻣﻴﺮﻧﺎ ﺑﻔﺮﻭﻍ ﺻﺒﺮ: ﺃﻳﻮﻩ ﺭﺟﻌﺖ … ﺇﻧﺘﻲ ﻗﻮﻟﺘﻲ ﻟﻤﺎ ﻧﺘﺠﻤﻊ
ﻫﺘﻘﻮﻟﻴﻠﻨﺎ ﻛﻞ ﺣﺎﺟﻪ ﺍﺗﻔﻀﻠﻲ ﻛﻠﻨﺎ ﺳﺎﻣﻌﻴﻨﻚ ﺃﻫﻮ !
ﺗﻨﻬﺪﺕ ﺩﻳﻤﺎ ﻗﺒﻞ ﺃﻥ ﺗﺒﺪﺃ ﺑﺎﻟﺘﻮﺿﻴﺢ: ﺍﻷﺳﺘﺎﺫ ﻧﻌﻴﻢ ﻣﺤﺎﻣﻲ
ﺑﺎﺑﺎ – ﺍﻟﻠﻪ ﻳﺮﺣﻤﻪ – ﺟﻪ ﻭﺷﺮﺣﻠﻲ ﺍﻟﻮﺿﻊ ﻓﻲ ﺍﻟﺸﺮﻛﺔ
ﻭﺇﻧﻪ ﻻﺯﻡ ﺃﺭﺟﻊ ، ﺩﺍ ﻏﻴﺮ ﺇﻧﻪ ﻛﺎﻥ ﻣﻌﺎﻛﻮﺍ ﺣﻖ ﻓﻲ ﺣﻜﺎﻳﺔ
ﺇﻧﻲ ﻭﻗﻔﺖ ﺣﻴﺎﺗﻲ ﻭﺧﻼﺹ ﺃﻧﺎ ﻗﺮﺭﺕ … ﺃﻧﺎ ﻣﺶ ﻫﺄﻫﺮﺏ
ﺗﺎﻧﻲ
ﺳﻔﻘﺖ ﻣﻴﺮﻧﺎ ﺑﺴﻌﺎﺩﺓ: ﻳﻴﻴﻴﺲ … ﻛﺪﺍ ﺗﻌﺠﺒﻴﻨﻲ ﻳﺎ ﺩﻳﺪﻱ
ﻣﺎﺭﻱ : ﻃﺐ ﻭﻫﺘﺮﺟﻌﻲ ﺍﻟﻔﻴﻼ ﺯﻱ ﻣﺎ ﺭﺟﻌﺘﻲ ﺍﻟﺸﺮﻛﺔ ؟
ﻫﺰﺕ ﺭﺃﺳﻬﺎ ﻧﻔﻴﺎً : ﻻ ﺃﻧﺎ ﺭﺟﻌﺖ ﺍﻟﺸﺮﻛﺔ ﻭﻛﻞ ﺍﻟﺸﻐﻞ ﻃﺒﻌﺎً
ﺑﺲ ﻋﺸﺎﻥ ﺍﻟﻨﺎﺱ ﺍﻟﻠﻲ ﺑﻴﺸﺘﻐﻠﻮﺍ ﻓﻴﻬﻢ ﻣﺎ ﻳﺘﺄﺫﻭﺵ ﻟﻮ
ﺣﺼﻞ ﺇﻓﻼﺱ ﻭﻛﻤﺎﻥ ﻋﺸﺎﻥ ﻣﺎ ﺃﺿﻴﻌﺶ ﺗﻌﺐ ﺑﺎﺑﺎ – ﺍﻟﻠﻪ
ﻳﺮﺣﻤﻪ – … ﻭﺑﻌﺪﻳﻦ ﺃﻧﺎ ﻣﺮﺗﺎﺣﺔ ﻫﻨﺎ ﻣﻊ ﻣﺮﻳﻢ ﻭﻣﺶ
ﻫﺄﺳﻴﺒﻬﺎ ﻟﻮﺣﺪﻫﺎ .
ﻣﺮﻳﻢ: ﺭﺑﻨﺎ ﻳﺨﻠﻴﻜﻲ ﻟﻴﺎ … ﺑﺲ ﻟﻮ ﻋﺎﻳﺰﺓ ﺗﺮﻭﺣﻲ ﺑﻴﺘﻚ
ﺭﻭﺣﻲ ﺃﻧﺎ ﻣﺎ ﻳﺮﺿﻴﻨﻴﺶ ﺇﻧﻚ ﺗﺴﻴﺒﻲ ﺑﻴﺘﻚ ﻋﺸﺎﻧﻲ ﻭﻣﺎ
ﺗﺨﺎﻓﻴﺶ ﻋﻠﻴﺎ
ﺩﻳﻤﺎ: ﻻ ﻃﺒﻌﺎً ﺇﻧﺘﻲ ﺑﺘﻘﻮﻟﻲ ﺇﻳﻪ ؟ … ﻭﺑﻌﺪﻳﻦ ﺍﻟﺒﻴﺖ ﺩﺍ
ﺷﺮﻙ ﺑﻴﻨﻲ ﻭﺑﻴﻨﻚ ﺃﻧﺎ ﺑﺄﺩﻓﻊ ﻧﺺ ﺍﻹﻳﺠﺎﺭ ﻭﺇﻧﺘﻲ ﻛﻤﺎﻥ …
ﺩﺍ ﻏﻴﺮ ﺇﻧﻲ ﺍﺗﻌﻮﺩﺕ ﻋﻠﻰ ﻫﻨﺎ ﺧﻼﺹ ﻭﻣﺶ ﻭﻗﺖ ﺗﻐﻴﻴﺮ
ﺗﺎﻧﻲ … ﺃﺻﻼً ﺍﻟﻤﻮﺿﻮﻉ ﻛﺪﺍ ﺧﻼﺹ ﻣﻨﺘﻬﻲ ﺑﺎﻟﻨﺴﺒﺎﻟﻲ
ﺭﻧﺎ : ﻃﺐ ﺷﺪﻱ ﺣﻴﻠﻚ ﺑﻘﻰ ﺷﻐﻞ ﺍﻟﺸﺮﻛﺎﺕ ﻭﺍﻟﻨﺎﺱ
ﺍﻷﻏﻨﻴﺎ ﺩﺍ ﺻﻌﺐ ﻭﻣﺘﻌﺐ ﺟﺪﺍً
ﺃﺟﺎﺑﺘﻬﺎ ﺑﺈﺭﻫﺎﻕ: ﺇﻧﺘﻲ ﻫﺘﻘﻮﻟﻴﻠﻲ ؟ … ﺩﺍ ﺃﻧﺎ ﻣﻦ ﺃﻭﻝ ﻳﻮﻡ
ﻭﺧﻼﺹ ﺣﺎﺳﻪ ﺇﻧﻪ ﻣﺎ ﺑﻘﺎﺵ ﻓﻴﺎ ﺣﻴﻞ ﺃﺭﻭﺡ ﻟﻠﺴﺮﻳﺮ
ﺣﺘﻰ … ﺩﺍ ﺃﻧﺎ ﺑﻌﺪ ﻣﺎ ﻭﺻﻠﺖ ﺑﺮﺑﻊ ﺳﺎﻋﺔ ﻻﻗﻴﺖ ﺍﻟﻤﻜﺘﺐ
ﻗﺪﺍﻣﻲ ﻣﻠﻴﺎﻥ ﻣﻠﻔﺎﺕ ﻋﺎﻳﺰﺓ ﺗﺘﺪﺭﺱ ﻭﻭﺭﻕ ﻳﺘﻤﻀﻲ
ﻭﺣﺎﺟﺎﺕ ﻛﺘﻴﺮﺓ ﻭﻗﻌﺪﻭﺍ ﻳﺸﺮﺣﻮﻟﻲ ﻫﺄﻋﻤﻞ ﺇﻳﻪ ﻭﺃﻓﻬﻢ
ﺍﻟﺤﺎﺟﺎﺕ ﺩﻱ ﺇﺯﺍﻱ ﻟﺤﺪ ﻣﺎ ﺩﻣﺎﻏﻲ ﻭﺭﻣﺖ ﺧﺎﻟﺺ !
ﺃﺷﻔﻘﺖ ﻋﻠﻴﻬﺎ ﻣﺎﺭﻱ: ﺍﻟﻠﻪ ﻳﻜﻮﻥ ﻓﻲ ﻋﻮﻧﻚ ﻳﺎ ﺑﻨﺘﻲ ﺃﻧﺎ
ﻧﻔﺴﻲ ﻟﻤﺎ ﺷﻮﻓﺖ ﻛﻤﻴﺔ ﺍﻟﻤﻠﻔﺎﺕ ﺩﻱ ﺍﺗﺼﺪﻣﺖ ﻛﺄﻧﻬﻢ ﻛﺎﻥ
ﻣﺘﺨﺰﻧﻴﻦ ﻋﺸﺎﻥ ﻟﻤﺎ ﺗﻴﺠﻲ ﺗﻄﻠﻊ ﻋﻴﻨﻚ ﻓﻴﻬﻢ ﻭﺗﻘﻮﻟﻲ ﺣﻘﻲ
ﺑﺮﻗﺒﺘﻲ
ﺷﺠﻌﺘﻬﺎ ﻣﺮﻳﻢ : ﻭﺍﺣﺪﺓ ﻭﺍﺣﺪﺓ ﻫﺘﺎﺧﺪﻱ ﻋﺎﻟﺸﻐﻞ ﻭﻫﻴﺒﻘﻰ
ﺍﻟﻮﺭﻕ ﺩﺍ ﺃﻗﻞ ﺑﻜﺘﻴﺮ … ﻣﻌﻠﺶ ﻛﻞ ﺷﺊ ﻓﻲ ﺃﻭﻟﻪ ﺻﻌﺐ
ﻟﻜﻦ ﺑﻌﺪ ﻛﺪﺍ ﻛﻠﻪ ﺑﻴﻬﻮﻥ ﻟﻤﺎ ﺗﺸﻮﻓﻲ ﻧﺠﺎﺣﻚ ﺑﻌﻴﻨﻚ ﻭﺇﻧﻪ
ﺗﻌﺒﻚ ﺩﺍ ﻛﻠﻪ ﻣﺎ ﺍﺗﺮﻣﺎﺵ ﻋﺎﻷﺭﺽ ﻛﺪﺍ ﻭﺧﻼﺹ
ﺃﺿﺎﻓﺖ ﻫﺪﻯ ﻣﺤﻔﺰﺓ: ﺩﺍ ﻏﻴﺮ ﺇﻧﻪ ﺛﻮﺍﺑﻚ ﻋﻨﺪ ﺭﺑﻨﺎ ﻫﻴﺒﻘﻰ
ﻛﺒﻴﺮ ﻛﻔﺎﻳﺔ ﺇﻧﻪ ﻓﻲ ﻧﻴﺘﻚ ﻣﺴﺎﻋﺪﺓ ﺍﻟﻨﺎﺱ ﺍﻟﻐﻼﺑﻪ ﺩﻭﻝ …
ﻭﺭﺑﻨﺎ ﺃﻛﻴﺪ ﻣﺶ ﻫﻴﺴﻴﺒﻚ ﻭﻫﻴﻔﻀﻞ ﺟﻨﺒﻚ ﻭﻫﺘﺤﺴﻲ ﺇﻧﻪ
ﺗﻌﺒﻚ ﺩﺍ ﻣﺶ ﺑﻴﻀﻌﻔﻚ ﺑﺎﻟﻌﻜﺲ ﺑﻴﻘﻮﻳﻜﻲ.
ﺗﻨﻬﺪﺕ ﺩﻳﻤﺎ ﺑﺮﺍﺣﻪ ﻣﺒﺘﺴﻤﺔ : ﻛﻼﻣﻜﻮﺍ ﺷﺠﻌﻨﻲ ﺇﻧﻲ ﺍﺳﺘﻤﺮ
ﺑﺠﺪ ﻳﺎ ﺑﻨﺎﺕ … ﻳﻼ ﺍﺳﺘﻌﻨﻰ ﻋﺎﻟﺸﻘﻰ ﺑﺎﻟﻠﻪ
ﻭﺟﻬﺖ ﻣﺮﻳﻢ ﺣﺪﻳﺜﻬﺎ ﺇﻟﻰ ﻣﺎﺭﻱ: ﻭﺇﻧﺘﻲ ﻫﺘﺘﺠﻮﺯﻱ ﺇﻣﺘﻰ
ﺑﻘﻰ؟ ﻟﺴﻪ ﻣﺎ ﺣﺪﺩﺗﻮﺵ ﻣﻌﺎﺩ؟
ﻣﺎﺭﻱ : ﻻ ﻟﺴﻪ … ﻓﺎﺿﻞ ﺣﺎﺟﺎﺕ ﺑﺴﻴﻄﺔ ﻓﻲ ﺍﻟﺸﻘﺔ
ﻭﺗﺨﻠﺺ ﻭﻗﺘﻬﺎ ﻫﻨﺒﻘﻰ ﻧﺤﺪﺩ ﺍﻟﻤﻌﺎﺩ
ﻟﻮﺕ ﺭﻧﺎ ﺷﻔﺘﻴﻬﺎ ﻗﺎﺋﻠﺔ : ﻣﺴﺘﻌﺠﻠﺔ ﻋﻠﻰ ﺍﻳﻪ ؟ ﻳﻌﻨﻲ ﺍﻟﻠﻲ
ﺇﺗﺠﻮﺯﻭﺍ ﻛﺎﻧﻮﺍ ﺧﺪﻭﺍ ﺇﻳﻪ ﻣﻦ ﺍﻟﺠﻮﺍﺯ ؟ !
ﺿﺤﻜﺖ ﻫﺪﻯ: ﻳﺎ ﺑﻨﺘﻲ ﻫﻮ ﻣﺶ ﺟﻮﺯﻙ ﺩﺍ ﻛﻨﺘﻲ ﻭﺍﺧﺪﺍﻩ
ﻋﻦ ﺣﺐ؟ ﺇﻳﻪ ﺍﻟﻠﻲ ﺣﺼﻞ ﺑﺲ ؟
ﺃﺟﺎﺑﺘﻬﺎ ﺑﻀﻴﻖ: ﺣﺐ ؟ ﺍﻟﺤﺐ ﺩﺍ ﺃﺧﺮﻩ ﺷﻬﺮ ﺍﻟﻌﺴﻞ ﻳﺎ
ﺣﺒﻴﺒﺘﻲ ﻭﺑﻌﺪﻳﻦ ﻣﺸﺎﻛﻞ ﺍﻟﺪﻧﻴﺎ ﻭﻣﺼﺮﻭﻑ ﺍﻟﺒﻴﺖ ﻭﺍﻟﺸﻐﻞ
ﻭﺍﻟﻌﻴﺎﻝ ﺑﻴﻤﻮﺗﻮﺍ ﺃﺟﺪﻋﻬﺎ ﺣﺐ
ﻣﻴﺮﻧﺎ: ﻣﻌﺎﻛﻲ ﺣﻖ … ﺃﺻﻼً ﻛﻞ ﻗﺼﺺ ﺍﻟﺤﺐ ﺍﻟﻠﻲ ﺑﻨﺴﻤﻊ
ﻋﻨﻬﺎ ﻛﻠﻬﺎ ﻗﺒﻞ ﺍﻟﺠﻮﺍﺯ … ﻳﻌﻨﻲ ﻋﻨﺘﺮ ﻭﻋﺒﻠﺔ ، ﻗﻴﺲ
ﻭﻟﻴﻠﻰ ، ﺭﻭﻣﻴﻮ ﻭﺟﻮﻟﻴﺖ ﻛﻞ ﺩﻭﻝ ﻗﺼﺔ ﺍﻟﺤﺐ ﺑﻴﻨﻬﻢ ﻛﺎﻧﺖ
ﻗﺒﻞ ﺍﻟﺠﻮﺍﺯ … ﺇﻧﻤﺎ ﺑﻌﺪ ﺍﻟﺠﻮﺍﺯ ﺑﻘﻰ ﻛﺎﻥ ﻫﻴﺒﻘﻰ ﺍﻏﺴﻠﻲ
ﻧﻀﻔﻲ ﺍﻣﺴﺤﻲ ﺍﻛﻮﻱ ﻟﻤﻌﻲ ﺍﻛﻠﻲ ﺷﺮﺑﻲ ﻓﺄﺣﺴﻦ ﺣﻞ
ﺗﻨﺘﻬﻲ ﻋﻠﻰ ﻗﺒﻞ ﺍﻟﺠﻮﺍﺯ ﻋﻠﻰ ﻃﻮﻝ ﺑﻼ ﻭﺟﻊ ﺩﻣﺎﻍ.
ﻫﺰﺕ ﺩﻳﻤﺎ ﺭﺃﺳﻬﺎ ﺭﺍﻓﻀﺔ: ﻻ ﺃﻧﺎ ﻣﺶ ﻣﻌﺎﻛﻲ … ﻓﻴﻪ
ﻧﺎﺱ ﻛﺘﻴﺮ ﺑﻴﻔﻀﻠﻮﺍ ﺑﻌﺪ ﺍﻟﺠﻮﺍﺯ ﺑﻴﺤﺒﻮﺍ ﺑﻌﺾ ﺯﻱ ﺍﻷﻭﻝ ﺇﻥ
ﻣﺎ ﻛﺎﻧﺶ ﺃﻛﺘﺮ ﻛﻤﺎﻥ
ﻋﻠﻘﺖ ﻣﻴﺮﻧﺎ ﺳﺎﺧﺮﺓ : ﺃﻩ ﺩﻭﻝ ﺍﻟﻮﺍﺣﺪ ﻓﻲ ﺍﻟﻤﻠﻴﻮﻥ ﺯﻱ ﻣﺎ
ﺑﻴﻘﻮﻟﻮﺍ ﺻﺢ ؟
ﺃﺟﺎﺑﺘﻬﺎ ﻫﺪﻯ: ﻻ ﻳﺎ ﻣﻴﺮﻧﺎ … ﺃﻏﻠﺐ ﺍﻟﻤﺨﻄﻮﺑﻴﻦ ﺩﻟﻮﻗﺘﻲ
ﺇﻥ ﻣﺎ ﻛﺎﻧﺶ ﻗﺒﻞ ﻣﺎ ﻳﺘﻘﺪﻣﻠﻬﺎ ﻛﻤﺎﻥ … ﺑﻴﻌﻤﻠﻮﺍ ﺣﺎﺟﺎﺕ
ﻛﺘﻴﺮ ﻏﻠﻂ … ﺣﺎﺟﺎﺕ ﻣﺶ ﻣﺴﻤﻮﺡ ﻳﻌﻤﻠﻮﻫﺎ ﻗﺒﻞ ﺍﻟﺠﻮﺍﺯ ﺃﻭ
ﻗﺒﻞ ﻛﺘﺐ ﺍﻟﻜﺘﺎﺏ ﺣﺘﻰ .
ﺳﺄﻟﺘﻬﺎ ﻣﺎﺭﻱ ﻣﺴﺘﻐﺮﺑﺔ: ﺯﻱ ﺇﻳﻪ ﻣﺜﻼً ؟
ﺗﺎﺑﻌﺖ ﻫﺪﻯ : ﺯﻱ ﻣﺜﻼً ﺇﻧﻪ ﻳﻤﺴﻚ ﺇﻳﺪﻫﺎ ﻳﻘﻮﻟﻬﺎ ﻛﻼﻡ
ﻋﺎﻃﻔﻲ ﺯﻱ ﺣﻴﺎﺗﻲ ﻭﻋﻤﺮﻱ ﻭﺭﻭﺣﻲ ﻭﻗﻠﺒﻲ … ﻗﺎﻝ ﺍﻹﻣﺎﻡ
ﺍﻟﺸﺎﻓﻌﻲ : ﻛﻠﻤﺎ ﺗﻌﻠﻘﺖ ﺑﺸﺨﺺ ﺗﻌﻠﻘﺎً … ﺃﺫﺍﻗﻚ ﺍﻟﻠﻪ ﻣﺮ
ﺍﻟﺘﻌﻠﻖ ﻟﺘﻌﻠﻢ ﺃﻥ ﺍﻟﻠﻪ ﻳﻐﺎﺭ ﻋﻠﻰ ﻗﻠﺐ ﺗﻌﻠﻖ ﺑﻐﻴﺮﻩ ﻓﻴﺼﺪﻙ
ﻋﻦ ﺫﺍﻙ ﻟﻴﺮﺩﻙ ﺇﻟﻴﻪ
ﻗﺎﻃﻌﺘﻬﺎ ﻣﺮﻳﻢ ﻗﺎﺋﻠﺔ ﺑﺤﺴﺮﺓ : ﺩﺍ ﻓﻴﻪ ﺑﻨﺎﺕ ﺑﺘﺴﻤﺢ ﻟﻪ
ﻛﻤﺎﻥ ﻳﺤﻀﻨﻬﺎ ﻭﻳﺒﻮﺳﻬﺎ ﻋﺎﺩﻱ … ﺇﻥ ﻣﺎ ﻛﺎﻧﺶ ﺃﻛﺘﺮ !
ﻏﻤﻐﻤﺖ ﻣﺎﺭﻱ ﻭﻗﺪ ﺷﺮﺩﺕ ﻗﻠﻴﻼً: ﻭﻫﻮ ﺩﺍ ﻣﺎ ﻳﻨﻔﻌﺶ؟
ﺃﺟﺎﺑﺘﻬﺎ ﻫﺪﻯ: ﻃﺒﻌﺎً ﻣﺎ ﻳﻨﻔﻌﺶ … ﻭﺑﻌﺪﻳﻦ ﻟﻤﺎ ﻫﻮ ﻳﻌﻤﻞ
ﻛﻞ ﺩﺍ ﻓﻲ ﺍﻟﺨﻄﻮﺑﺔ ﺑﻌﺪ ﺍﻟﺠﻮﺍﺯ ﻫﻴﻌﻤﻞ ﺇﻳﻪ ؟ … ﻫﻴﻘﻮﻝ
ﺇﻳﻪ ؟ … ﺧﻼﺹ ﻛﻞ ﺍﻟﻜﻼﻡ ﺍﺗﻘﺎﻝ ﻭﻛﻞ ﺍﻷﻋﻤﺎﻝ ﺍﺗﻌﻤﻠﺖ
ﻓﻴﻦ ﺍﻟﺠﺪﻳﺪ ؟
ﺩﻳﻤﺎ : ﻭﺑﺎﻟﺘﺎﻟﻲ ﺗﺤﺼﻞ ﺣﺎﻟﺔ ﻣﻠﻞ ﻭﻓﺘﻮﺭ ﺑﻴﻨﻬﻢ
ﺃﻭﻣﺄﺕ ﻫﺪﻯ ﻣﻮﺍﻓﻘﺔ: ﺑﺎﻟﻈﺒﻂ … ﺩﺍ ﻏﻴﺮ ﻛﻤﺎﻥ ﺇﻧﻪ ﺭﺑﻨﺎ
ﺑﻴﺒﻘﻰ ﻣﺶ ﺭﺍﺿﻲ ﻋﻨﻬﻢ ﻓﺘﻼﻗﻲ ﻣﺸﺎﻛﻞ ﻭﺧﻨﺎﻕ ﺑﺎﺳﺘﻤﺮﺍﺭ
ﻣﻤﻜﻦ ﻓﻲ ﻣﺮﺓ ﺗﺴﺒﺐ ﻃﻼﻕ ﺣﺘﻰ ﻟﻮ ﻛﺎﻧﺖ ﻣﺸﻜﻠﻪ ﺗﺎﻓﻬﺔ
ﻭﺗﺘﺤﻞ ﺑﻜﻠﻤﺔ.
ﺭﻧﺎ : ﻣﺎ ﻫﻮ ﻟﻮ ﺍﻟﻄﺮﻓﻴﻦ ﻓﻌﻼً ﺑﻴﻌﺮﻓﻮﺍ ﺭﺑﻨﺎ ﺻﺢ ﻭﺑﻴﺘﺒﻌﻮﺍ
ﺃﻭﺍﻣﺮﻩ ﻭﺑﻴﺒﻌﺪﻭﺍ ﻋﻦ ﺍﻟﻤﻌﺎﺻﻲ ﻭﺍﻟﻠﻲ ﻧﻬﺎﻫﻢ ﻋﻨﻪ … ﻣﺎ
ﻛﺎﻧﺶ ﺣﺼﻞ ﺑﻴﻨﻬﻢ ﻛﺪﺍ ﻣﻦ ﺍﻷﻭﻝ ﻭﻛﺎﻥ ﻛﻞ ﻭﺍﺣﺪ ﺍﺣﺘﺮﻡ
ﺇﻧﻪ ﻏﺮﻳﺐ ﻋﻠﻰ ﺍﻟﺘﺎﻧﻲ ﻟﺴﻪ ﻭﺇﻧﻪ ﻓﻴﻪ ﺣﺎﺟﺎﺕ ﻣﺎ ﺗﺼﺤﺶ
ﺗﺘﻌﻤﻞ
ﺩﻳﻤﺎ: ﺑﺎﻟﻈﺒﻂ … ﻏﻴﺎﺏ ﺍﻟﻮﻋﻲ ﺍﻟﺪﻳﻨﻲ ﺑﻘﻰ ﻣﻨﺘﺸﺮ ﺟﺪﺍً
ﺩﻟﻮﻗﺘﻲ
ﻣﺮﻳﻢ: ﺃﻳﻮﻩ … ﺃﺧﺮﻫﻢ ﺍﻟﺨﻤﺮﻩ ﺣﺮﺍﻡ ﻳﺒﻘﻰ ﻣﺶ ﻫﺸﺮﺏ
ﻭﺍﻟﺤﺠﺎﺏ ﻓﺮﺽ ﻳﺒﻘﻰ ﻫﺄﻟﺒﺴﻪ ﻭﺧﻼﺹ ﺣﺘﻰ ﻟﻮ ﻟﺒﺴﺘﻪ ﻋﻠﻰ
ﻫﺪﻭﻡ ﻣﺶ ﻣﻨﺎﺳﺒﺔ ﻟﻮﻗﺎﺭ ﺍﻟﺤﺠﺎﺏ ﻭﻋﻔﺘﻪ.
ﻫﺪﻯ: ﺑﻘﻴﻨﺎ ﺑﻨﺎﺧﺪ ﺍﻷﻣﻮﺭ ﺑﺴﻄﺤﻴﺔ … ﻧﺎﺧﺪ ﺭﺍﺱ
ﺍﻟﻤﻮﺿﻮﻉ ﻭﻧﺴﻴﺐ ﺍﻟﺘﻔﺎﺻﻴﻞ ﺍﻟﻠﻲ ﻓﻲ ﺍﻟﻐﺎﻟﺐ ﺑﺘﻜﻮﻥ ﻣﻬﻤﺔ
ﺟﺪﺍً .
ﻗﺎﻟﺖ ﻣﺎﺭﻱ ﺑﺤﺰﻥ: ﺑﺲ ﺃﻧﺎ ﻣﺎ ﻛﻨﺘﺶ ﺃﻋﺮﻑ ﺇﻧﻪ ﻏﻠﻂ
ﻧﻈﺮﺕ ﻟﻬﺎ ﻣﻴﺮﻧﺎ ﺑﺘﻤﻌﻦ: ﻫﻮ ﻓﻴﻪ ﺣﺎﺟﻪ ﺣﺼﻠﺖ ﺑﻴﻨﻜﻮﺍ ﻭﻻ
ﺇﻳﻪ؟
ﻧﻔﺖ ﻣﺎﺭﻱ ﻣﺴﺮﻋﺔ : ﻻ ﻻ ﺃﺧﺮﻩ ﻳﻤﺴﻚ ﺇﻳﺪﻱ ﻭﺳﺎﻋﺎﺕ
ﻳﺒﻮﺳﻨﻲ ﻋﻠﻰ ﺭﺍﺳﻲ ﻣﺶ ﺃﻛﺘﺮ.
ﻫﺪﻯ: ﺑﺼﻲ ﻳﺎ ﻣﺎﺭﻱ ﺭﺑﻨﺎ ﺑﻴﺤﺒﻨﺎ ﺃﻭﻱ ﻋﺸﺎﻥ ﻛﺪﺍ ﺑﻴﺨﺎﻑ
ﻋﻠﻴﻨﺎ ﺟﺪﺍً ﺣﺘﻰ ﻣﻦ ﻧﻔﺴﻨﺎ ﺍﻷﻣﺎﺭﻩ ﺑﺎﻟﺴﻮﺀ … ﻓﺄﻛﻴﺪ ﻣﺶ
ﻫﻴﻘﻮﻟﻚ ﻣﺎ ﺗﻌﻤﻠﻴﺶ ﺣﺎﺟﻪ ﻭﻫﻲ ﻓﻴﻬﺎ ﻣﻨﻔﻌﺔ ﻟﻴﻜﻲ …
ﻻﺯﻡ ﻫﺘﻜﻮﻥ ﺑﺘﻀﺮﻙ ﺃﻭ ﺍﻟﻀﺮﺭ ﺍﻟﻠﻲ ﻣﻦ ﻭﺭﺍﻫﺎ ﺃﻛﺒﺮ ﻣﻦ
ﻣﻨﻔﻌﺘﻬﺎ … ﻳﻌﻨﻲ ﻓﻜﺮﻱ ﻓﻲ ﻭﺍﺣﺪ ﺧﻄﺐ ﻭﺍﺣﺪﺓ ﻭﺃﺧﺮﻩ
ﻣﻌﺎﻫﺎ ﺍﻟﻜﻼﻡ ﺍﻟﻌﺎﻡ ﺯﻱ ﻋﺎﻣﻠﻪ ﺇﻳﻪ ؟ ﺃﺧﺒﺎﺭ ﺷﻐﻠﻚ ﺣﻴﺎﺗﻚ
ﻋﻴﻠﺘﻚ ﻛﺪﺍ ﻭﻣﺶ ﻋﺎﺭﻑ ﻳﻨﻮﻝ ﻣﻨﻬﺎ ﺣﺘﻰ ﻛﻠﻤﺔ ﻭﺣﺸﺘﻨﻲ
ﻭﻭﺍﺣﺪ ﺗﺎﻧﻲ ﺑﻴﻘﻮﻟﻬﺎ ﻛﻞ ﺍﻟﻠﻲ ﻧﻔﺴﻬﺎ ﺗﺴﻤﻌﻪ ﻭﻛﻼﻡ ﺣﺐ
ﻳﺪﻭﺏ ﺍﻟﻘﻠﺐ ﻭﻭﺍﺧﺪ ﺭﺍﺣﺘﻪ ﻣﻌﺎﻫﺎ ﻋﺎﻷﺧﺮ … ﻓﻲ ﺭﺃﻳﻚ
ﻣﻴﻦ ﻓﻴﻬﻢ ﻫﻴﻜﻮﻥ ﻣﻠﻬﻮﻑ ﻋﺎﻟﺠﻮﺍﺯ ﺃﻛﺘﺮ ﻭﺇﻧﻪ ﻳﻜﻮﻥ
ﻣﻌﺎﻫﺎ ؟ … ﺍﻟﻠﻲ ﺭﻳﻘﻪ ﻋﻤﺮﻩ ﻣﺎ ﺍﺗﺒﻞ ﺑﻜﻠﻤﺔ ﺭﻭﻣﺎﻧﺴﻴﺔ
ﻭﻻ ﺍﻟﻠﻲ ﻭﻗﺖ ﻣﺎ ﻳﻄﻠﺐ ﺃﻭ ﻣﺎ ﻳﻄﻠﺒﺶ ﺑﻴﺴﻤﻌﻪ ؟
ﺃﺟﺎﺑﺘﻬﺎ ﻣﺎﺭﻱ: ﺃﻛﻴﺪ ﺍﻷﻭﻻﻧﻲ ﻋﺸﺎﻥ ﻋﻨﺪﻩ ﺷﻮﻕ ﻳﺴﻤﻊ
ﻣﻨﻬﺎ ﺍﻟﻜﻼﻡ ﺩﺍ
ﺳﺎﺩﺕ ﻻﺣﻈﺎﺕ ﻣﻦ ﺍﻟﺼﻤﺖ ﺗﺴﺘﻮﻋﺐ ﺑﻬﺎ ﻣﺎﺭﻱ ﻣﺎ ﻗﻴﻞ
ﻗﺒﻞ ﺃﻥ ﺗﻘﻄﻌﻪ ﻗﺎﺋﻠﺔ: ﻳﻌﻨﻲ ﻣﻤﻜﻦ ﻋﺸﺎﻥ ﻛﺪﺍ ﻟﺤﺪ
ﺩﻟﻮﻗﺘﻲ ﻣﺎ ﺧﻠﺼﺶ ﺍﻟﺸﻘﺔ ﻭﻛﻞ ﺍﻟﺤﺎﺟﺎﺕ ﺍﻟﻠﻲ ﻧﺎﻗﺼﻪ
ﻭﻣﺘﻌﻄﻞ ﺟﻮﺍﺯﻧﺎ ﻋﺸﺎﻥ ﻛﺪﺍ ؟
ﺳﺄﻟﺘﻬﺎ ﻣﺮﻳﻢ: ﺃﻧﺘﻮﺍ ﺑﻘﺎﻟﻜﻮﺍ ﻗﺪ ﺇﻳﻪ ﻣﺨﻄﻮﺑﻴﻦ ؟
ﺃﺟﺎﺑﺘﻬﺎ: 4 ﺳﻨﻴﻦ
ﺩﻳﻤﺎ: ﺃﻧﺘﻮﺍ ﻧﺎﻗﺼﻜﻮﺍ ﺣﺎﺟﺎﺕ ﻛﺘﻴﺮ ﻳﻌﻨﻲ ؟
ﻣﺎﺭﻱ : ﻻ ﻛﻤﺎﻟﻴﺎﺕ ﻳﻌﻨﻲ … ﻭ ﺣﺎﺟﺎﺕ ﺑﺴﻴﻄﺔ ﺑﺲ ﻫﻮ
ﻣﺶ ﻋﺎﻳﺰﻧﺎ ﻧﺘﺠﻮﺯ ﻏﻴﺮ ﻟﻤﺎ ﻛﻞ ﺣﺎﺟﻪ ﺗﻜﻮﻥ ﺟﺎﻫﺰﺓ ﻋﺸﺎﻥ
ﻣﺎ ﻳﻜﺴﻠﺶ ﺑﻌﺪ ﺍﻟﺠﻮﺍﺯ ﺇﻧﻪ ﻳﺠﻴﺒﻬﺎ
ﺭﻧﺎ : ﻭﺇﻧﺘﻲ ﺷﺎﻳﻔﺎﻩ ﻣﺴﺘﻌﺠﻞ ﻭﺑﻴﺤﺎﻭﻝ ﻳﻨﺠﺰ ﻭﻻ ﺑﻴﺘﻠﻜﻊ ؟
ﺻﻤﺘﺖ ﻣﺎﺭﻱ ﻻ ﺗﻌﻠﻢ ﺑﻤﺎ ﺗﺠﻴﺐ ﻓﻬﻮ ﻓﻌﻼ ﻻ ﻳﺘﻌﺠﻞ ﺍﻟﺰﻭﺍﺝ
ﻣﻨﻬﺎ ﺑﻞ ﻳﺨﺘﻠﻖ ﺍﻷﺳﺒﺎﺏ ﻟﺘﺄﺟﻴﻞ ﺍﻟﺰﻭﺍﺝ ، ﻧﻬﻀﺖ ﻫﺪﻯ ﻣﻦ
ﻣﻘﻌﺪﻫﺎ ﻭﺟﻠﺴﺖ ﺑﺠﻮﺍﺭ ﻣﺎﺭﻱ ، ﻭﺿﻌﺖ ﻳﺪﻫﺎ ﻋﻠﻰ ﻛﺘﻔﻬﺎ
ﻣﺒﺘﺴﻤﺔ: ﺑﺎﻟﺮﻏﻢ ﻣﻦ ﺇﺧﺘﻼﻑ ﺍﻟﺪﻳﻦ ﺇﻻ ﺇﻥ ﻛﻞ ﺍﻟﺮﺟﺎﻟﻪ ﺯﻱ
ﺑﻌﺾ ﺗﻘﺮﻳﺒﺎً ﺟﺮﺑﻲ ﺗﻤﻨﻌﻲ ﻋﻨﻪ ﺍﻟﺤﺎﺟﺎﺕ ﺍﻟﻠﻲ ﻛﺎﻥ ﺑﻴﻌﻤﻠﻬﺎ
ﻣﻌﺎﻛﻲ ﻭﺍﻟﻠﻲ ﻗﻮﻟﻨﺎ ﻋﻠﻴﻬﺎ ﺇﻧﻬﺎ ﻏﻠﻂ ﻭﺷﻮﻓﻲ ﺭﺩ ﻓﻌﻠﻪ
ﻫﻴﺒﻘﻰ ﺇﻳﻪ … ﻫﺘﻼﻗﻴﻪ ﻋﺎﻳﺰ ﻳﺘﺠﻮﺯﻙ ﺇﻧﻬﺎﺭﺩﻩ ﻗﺒﻞ ﺑﻜﺮﻩ
ﻭﻣﺶ ﻋﺎﺭﻑ ﻳﻌﻤﻠﻚ ﺇﻳﻪ ﻭﻻ ﺇﻳﻪ ﻋﺸﺎﻥ ﺗﺮﺿﻲ ﻋﻠﻴﻪ …
ﻫﻤﺎ ﻛﺪﺍ ﺑﻴﺤﺒﻮﺍ ﺍﻟﺤﺎﺟﻪ ﺍﻟﻌﺰﻳﺰﺓ ﺍﻟﻠﻲ ﺻﻌﺐ ﻳﻮﺻﻠﻮﻟﻬﺎ
ﻋﺸﺎﻥ ﻟﻤﺎ ﻳﻔﻮﺯﻭﺍ ﺑﻴﻬﺎ ﺑﻴﺒﻘﺎﻟﻬﺎ ﻃﻌﻢ ﺗﺎﻧﻲ ﺃﻟﺬ ﻭﺃﺣﻠﻰ
ﺑﻜﺘﻴﺮ ﺯﻱ ﺍﻟﺠﻨﺔ ﺑﺎﻟﻈﺒﻂ ﻫﺘﺘﻌﺒﻲ ﻛﺘﻴﺮ ﻭﻫﺘﺤﺮﻣﻲ ﻧﻔﺴﻚ
ﻣﻦ ﺣﺎﺟﺎﺕ ﺃﻛﺘﺮ ﺑﺲ ﻓﻲ ﺳﺒﻴﻞ ﺣﺎﺟﻪ ﺃﺣﺴﻦ ﺑﻜﺘﻴﺮ
ﻭﻫﻴﺒﻘﺎﻟﻬﺎ ﻃﻌﻢ ﺣﻠﻮ ﺃﻭﻭﻭﻱ ﻟﻤﺎ ﺗﻨﻮﻟﻴﻬﺎ … ﻋﺸﺎﻥ ﻛﺪﺍ
ﻃﺮﻳﻘﻬﺎ ﺻﻌﺐ
ﺍﺑﺘﺴﻤﺖ ﻣﺎﺭﻱ ﺑﺤﺰﻥ: ﺑﺲ ﻣﺎ ﺃﻧﺎ ﻋﻮﺩﺗﻪ ﻋﻠﻰ ﻛﺪﺍ ﻟﻤﺎ
ﺍﺑﻄﻞ ﻓﺠﺄﺓ ﻫﻴﻘﻮﻝ ﺍﻳﻪ؟ … ﻳﻤﻜﻦ ﻳﻔﺘﻜﺮ ﺇﻧﻲ ﺑﻄﻠﺖ ﺃﺣﺒﻪ
ﺃﻭ ﻣﺶ ﻋﺎﻳﺰﺍﻩ
ﺃﺳﺮﻋﺖ ﻣﻴﺮﻧﺎ ﻧﺎﻫﺮﻩ: ﻻ ﻳﺎ ﻫﺒﻠﺔ ﺑﺎﻟﻌﻜﺲ … ﻫﻴﺘﺠﻨﻦ
ﻭﻳﻔﻜﺮ ﺇﻳﻪ ﺍﻟﻠﻲ ﻏﻴﺮﻫﺎ ﻓﺠﺄﻩ ﻛﺪﺍ ﻭﻫﻴﺨﺎﻑ ﺗﺴﻴﺒﻴﻪ ﻓﻲ ﺃﻱ
ﻟﺤﻈﻪ ﻓﻴﺴﺘﻌﺠﻞ ﺃﻛﺘﺮ ﻭﻫﺘﺸﻐﻠﻲ ﺑﺎﻟﻪ ﺃﻛﺘﺮ
ﻣﺮﻳﻢ: ﻭﺑﺎﻟﻨﺴﺒﺔ ﻟﻠﺴﺒﺐ ﺇﺑﻘﻲ ﻗﻮﻟﻴﻠﻪ ﺇﺣﻨﺎ ﺧﻼﺹ ﻗﺮﺑﻨﺎ
ﻧﺘﺠﻮﺯ ﻓﺄﺻﺒﺮ ﺑﻘﻰ ﻟﻤﺎ ﻳﺤﺼﻞ … ﺃﻭ ﺣﺘﻰ ﻗﻮﻟﻴﻠﻪ ﺇﻧﻚ
ﻋﺮﻓﺘﻲ ﺇﻧﻪ ﺍﻟﻠﻲ ﺑﺘﻌﻤﻠﻴﻪ ﺩﺍ ﻏﻠﻂ ﻭﻗﺮﺭﺗﻲ ﻣﺎ ﺗﻌﻤﻠﻴﻮﻫﺶ
ﺗﺎﻧﻲ … ﺍﻹﻧﺴﺎﻥ ﺑﻴﻔﻀﻞ ﻳﺘﻌﻠﻢ ﻃﻮﻝ ﻋﻤﺮﻩ
ﺩﻳﻤﺎ: ﺍﻋﻤﻠﻲ ﺑﺎﻟﻜﻼﻡ ﺩﺍ ﻟﻮ ﺇﻧﺘﻲ ﺍﻗﺘﻨﻌﺘﻲ ﺑﻴﻪ ﻭﺇﻧﺴﻲ
ﺍﻟﻠﻲ ﻓﺎﺕ ﻭﺍﺑﺪﺃﻱ ﻣﻌﺎﻩ ﺻﻔﺤﺔ ﺟﺪﻳﺪﺓ ﺑﻴﻨﻚ ﻭﺑﻴﻦ ﻧﻔﺴﻚ
ﻣﻦ ﻏﻴﺮ ﻣﺎ ﻳﻌﺮﻑ ﻫﺘﻼﻗﻴﻪ ﺭﺟﻊ ﻣﻌﺎﻛﻲ ﺯﻱ ﺍﻷﻭﻝ ﻭﻳﻤﻜﻦ
ﺃﺣﺴﻦ
ﺃﻭﻣﺄﺕ ﻣﺎﺭﻱ ﻣﻮﺍﻓﻘﺔ ﻭﻗﺪ ﻋﻘﺪﺕ ﺍﻟﻨﻴﺔ ﺟﺪﻳﺎً ﺑﺘﻐﻴﺮ ﻃﺮﻳﻘﺔ
ﺗﻌﺎﻣﻠﻬﺎ ﻣﻊ ﺷﺮﻳﻒ ﺣﺘﻰ ﻳﺼﺒﺢ ﺯﻭﺟﻬﺎ ﻓﻠﻘﺪ ﺍﻗﺘﻨﻌﺖ ﺑﻜﻼﻡ
ﺻﺪﻳﻘﺎﺗﻬﺎ ﻭﺑﺼﻮﺍﺏ ﺭﺃﻳﻬﻦ ، ﻋﺪﺍ ﻋﻦ ﺗﺄﻛﺪﻫﺎ ﻣﻦ ﺣﺒﻬﻦ ﻟﻬﺎ
ﻭﻟﻦ ﻳﺘﺴﺒﺒﻦ ﻟﻬﺎ ﺑﺄﻱ ﺿﺮﺭ … ﻓﻬﻦ ﺻﺪﻳﻘﺎﺕ ﺍﻟﻌﻤﺮ .