ام بديله حكايات اسما
حسام حاول يضحك ويقول دي صدفة
لكن صوته كان مهزوز
الممرضة قالت يا جماعة المولود محتاج يتحط في الحضّانة شوية
انا كنت سامعة كل كلمة وانا حاسة ان روحي بتطلع
الطفل ده جوايا تسع شهور
وجيت في لحظة بقى محل شك
منى قالت فجأة مش هاستلم الطفل غير لما اعمل تحليل دي ان ايه
الدكتور قال طبعا ده حقك
بس مش معنى وجود وحمة ان في خيانة
منى ردت بحدة الوحمة دي علامة في عيلة حسام
كل اولادهم فيها نفس الرسمة
انا اعرف كويس
بصيت لحسام
قلت له بصوت ضعيف انت عملت ايه
قال انتي كمان هتصدقي الهبل ده
انا عيني كانت في عينه
وفي لحظة حسيت ان فيه حاجة مستخبية
مش بالضرورة خيانة
لكن سر
مرت ساعه وانا في السرير والطفل في الحضّانة
منى قاعدة برا ومش راضية تقرب
حسام بيكلم اخوه بعصبية
اخوه بيقول دي صدفة
بس منى كانت مصممة
قالت هات مراتك على الفيديو
وفعلا فتحت الفيديو
وجابت رجل ابنها قدام الكاميرا
والصدمة كانت واضحة
نفس الوحمة
نفس الشكل المتعرج
حتى نفس الدرجة
الدنيا بقت فوضى
منى بدأت تصرخ
انت خنتني مع مرات اخوك
حسام كان بيحلف انه مستحيل
اخوه كان بيزعق في الموبايل
وانا كنت باصة للسقف مش قادرة استوعب
الطفل ده اتكون من بويضتها وحيوانه المنوي
على الاقل ده اللي المفروض حصل
طب ازاي
هل حصل تبديل في المعمل
هل فيه خطأ طبي
الدكتور حاول يهديهم
وقال مافيش استنتاجات قبل التحليل
منى قالت انا مش هاكتب اسمي على طفل مش متأكدة منه
كلمة طفل مش متأكدة منه كسرت حاجة جوايا
حسيت اني انا اللي مش متأكدين مني
انا اللي جسمي كان وعاء
وبقيت فجأة موضع شك
طلبت اشوف ابني
ايوه ابني
غصب عن الكل حسيت انه ابني
لما شلته حضنته وعيطت
هو ماطلبش كل ده
هو جه الدنيا بريء
في اليوم التاني اتعمل تحليل دي ان ايه
انتظار النتيجة كان عذاب
منى ما زارتنيش
حسام كان بيجي يقعد ساكت
يحاول يبرر
يقول ان الموضوع مؤامرة
او خطأ في المركز
انا بدأت اشك في المركز فعلا
روحت طلبت ملفي الطبي
لقيت كل حاجة متوثقة
لكن خطأ بشري وارد
لو البويضة او الحيوان المنوي اتبدلوا
كارثة
بعد اسبوع النتيجة طلعت
الدكتور طلب يقعدنا كلنا
انا ومنى وحسام
قال النتيجة واضحة
الطفل ابن حسام جينيا
لكن
مش ابن منى
منى اتجمدت
قال يعني ايه
قال يعني البويضة مش بويضتك
في خطأ حصل في المعمل
اتزرعت بويضة تانية
ساعتها حسيت ان الدنيا بتلف
يعني الطفل مش ليها
لكن هو ابنه
طب البويضة لمين
سألته
قال التحقيق شغال
لكن غالبا بويضة لسيدة تانية عملت نفس الاجراء في نفس اليوم
منى انهارت
