يوم فرحي
تخيلي إنك في يوم فرحك، وبدل ما تتزفي لعريسك، أهلك يرموكي في نهر غرقان تماسيح الحكاية دي عن سارة، بنت يتيمة فقدت أمها وهي عندها سبع سنين بس، ومن يومها وهي عايشة مع أبوها ومرات أبوها إجلال، الست اللي كانت دايمًا تضحك قدام الناس وتكشر في وش سارة أول ما الباب يتقفل. سارة كانت طيبة زيادة عن اللزوم، بتشتغل في البيت والغيط من وهي طفلة، تغسل وتطبخ وترعى الغنم، ومع ذلك عمرها ما اشتكت، كانت دايمًا تقول لنفسها إن ربنا شايف وهيعوضها. أبوها كان راجل بسيط، ضعيف قدام كلام مراته، وكل ما سارة تشتكي يقول لها استحملي يا بنتي الدنيا كده.
ولما كبرت سارة وبقى عندها تسعتاشر سنة، جمالها بدأ يبان بشكل يخطف الأنفاس، بشرة قمحية ناعمة وعينين واسعين مليانين حزن هادي، وهنا بدأت المشكلة لأن هنيّات، بنت إجلال، كانت قدها تقريبًا لكن ملامحها عادية جدًا، وإجلال كانت شايفة كل نظرة إعجاب لسارة كأنها طع,,نة في قلب بنتها. وفي يوم من الأيام، وصل شاب غني من قرية قريبة اسمه فارس، كان راجع من السفر ومعاه فلوس كتير، وأهله بيدوروا له على عروسة. أول مرة شاف سارة كانت وهي بتسقي الزرع عند الترعة، وقف يتفرج عليها من بعيد وكأن الزمن وقف، وبعد يومين
بس كان باعت أمه تخطبها. الخبر وقع زي القنبلة في البيت، سارة كانت مصدومة من الفرحة، وأبوها وافق فورًا لأن العريس غني ومحترم، لكن إجلال وهنيّات كانوا مولعين من الغيرة. طول فترة الخطوبة، إجلال كانت بتمثل إنها فرحانة، تحض,,ن سارة قدام الناس وتقول دي بنتي قبل ما تكون بنت جوزي، لكن في الليل كانت تقعد مع بنتها وتقول لها بسم قاتل أنا مش هسيبها تاخد اللي كان المفروض يبقى ليكي. حاولت تقنع فارس يهتم بهنيّات بدل سارة، بس هو كان واضح وصريح أنا عايز سارة. وهنا اتولدت الفكرة السودا في عقل إجلال فكرة شيطانية تخلص بيها من سارة للأبد.
ليلة الفرح كانت القرية كلها بتجهز، الطبول بتتعلق والزينة بتترفع، وسارة قاعدة في أوضتها تحلم بالحياة الجديدة اللي مستنياها، فستانها الأبيض متحطوط على الكرسي جنبها، وكانت كل شوية تلمسه وتبتسم. لكن قبل الفجر بساعات قليلة، صحّتها إجلال بنفس الصوت الناعم اللي عمره ما كان صادق، وقالت لها عندي ليكي مفاجأة. سارة صدقت، لأنها طول عمرها كانت بتصدق أي كلمة حلوة. خرجت معاها من البيت، وهنيّات ماشية وراهم ساكتة ووشها شاحب. الطريق كان مظل,,م وبارد، والنجوم باينة في السما كأنها بتتفرج. مشيوا لحد ما وصلوا
لحافة الجبل فوق النهر الكبير نهر التماسيح.
