جوز بنتي

جوز بنتي وصفها قدّام عيلته كلها إنها حِمل مالوش لازمة والكل ضحك عليها كأن كرامتها لعبة
بس هو ماكنش يعرف إن في شنطتي ملف كامل فيه السر اللي مخبيه بقالو سنين
أنا اتجوزتها شفقة أصل مين هيستحمل واحدة زي دي؟
قالها جوز بنتي وهو بيشاور عليها قدّام السفرة كلها، كأنها عار قاعد وسطهم مش مراته. بقلم منال علي
البيت سكت ثانيتين بالظبط وبعدها الضحك فرقع في الصالون. أخواته ضحكوا بصوت عالي، أمه غطّت بقها وهي عاملة نفسها مكسوفة، وأبوه حتى ما رفعش عينه من طبق اللحمة، كأن اللي اتقال ده عادي جدًا.
بنتي، ليلى، ما ردّتش. بس مسكت طرف السفرة بإيد مرتعشة وبصّت لطبق الملوخية قدامها كأنها نفسها تختفي جواه.
ليلى عندها ٢٩ سنة. مهندسة مدني ناجحة، وعقلها يوزن بلد، وقلبها طيب زيادة عن اللزوم لدرجة إنها كانت دايمًا بتتلخبط بين الصبر والحب. أما أنا فالصبر خلص مني من زمان بقلم منال علي
أنا اسمي تهاني عبد الحميد، عندي ٥٧ سنة، وصاحبة شركة مقاولات صغيرة في القاهرة. ربّيت ليلى لوحدي بعد ما أبوها مات في حادثة على طريق الصحراوي. بعت دهبي، اشتغلت ليل ونهار، ولفّيت على مواقع تحت الشمس عشان بنتي تكمل تعليمها. شفتها وهي بترسم أول لوحات هندسية بإيدين بتترعش من الفرحة، وشفتها وهي بتاخد منح وتثبت نفسها وسط رجالة كتير ماكانوش طايقين يسمعوا أوامر من ست.
وبعدين شفت نورها بيطفي واحدة واحدة لما دخل في حياتها كريم الشاذلي بقلم منال علي
كريم كان من عيلة متكبرة، من النوع اللي يقعد

في كافيهات التجمع يتكلم عن الذوق والرقي وهم بيعاملوا الجرسونات بقرف. أمه، مدام نادية، عمرها ما تقبلت ليلى، وكانت دايمًا تقول إنها مش من مستوانا. وأبوه، الحاج فاروق، كان يكرر قدام الناس إن ابنه يستحق واحدة شيك أكتر ورفيعة أكتر ومن عيلة تقيلة.
وأنا كنت بحذر ليلى طول الوقت.
يا بنتي، الراجل اللي يخليكي تحسين إنك قليلة ده ما بيحبكيش، ده بيكسرك بالراحة.
بس كانت دايمًا ترد بنفس الجملةبقلم منال علي
يا ماما، لما نبقى لوحدنا بيكون شخص تاني.
والله الجملة دي كانت بتوجعني. لأن الراجل المؤذي بيعرف يبقى حنين في السر بالقدر الكفاية اللي يخلي الست تشك في وجعها هي.
بعد الجواز، كريم بطل يشتغل. في الأول قال إنه بيدوّر على شغل يليق بيه. وبعدين قال إنه مش هيقبل بأي مرتب. لحد ما في الآخر بطل يدور أصلًا بقلم منال علي
ليلى كانت بتدفع الإيجار، والأقساط، والأكل، والبنزين، وحتى الهدايا الغالية اللي كان ياخدها لأمه عشان يفضل عامل فيها راجل مهم. بقلم منال علي
وأنا كنت أعرف أكتر ما بنتي متخيلة.
في الليلة دي، مدام نادية عملت عزومة كبيرة عشان عيد ميلاد كريم. ليلى رجتني أروح معاها.
والنبي يا ماما تعالي مش قادرة أقعد وسطهم لوحدي.
روحت بقلم منال علي
السفرة كانت مليانة قرايب، وأطباق محشي وفراخ مشوية، وزجاجات عصير غالية، وضحكات كلها تصنع. ليلى قعدوها جنب باب المطبخ، بعيد عن جوزها، كأنها ضيفة تقيلة.
ولا حد سألها عن شغلها. ولا حد باركلها إنها كسبت مشروع كبير مع شركة مقاولات معروفة.
كل الكلام كان عن الصفقة الكبيرة اللي كريم داخل عليها.
ولما ابن خالته سأل فجأة
طب هو إنت شغّال إيه دلوقتي يا كريم؟
وشه اتشد. بص لليلى باحتقار، وخد رشفة من الكوباية وقال
ما هي بتصرف يعني أمال فايدتها إيه؟ أنا أصلًا اتجوزتها شفقة واحدة بالجسم ده محدش كان هيبصلها.
الضحك ملّى المكان.
ليلى وطّت راسها.
وأنا قمت وقفة هدت السفرة كلها.
حطيت الكوباية على الترابيزة وبصيت له مباشرة.
قبل ما تتريق على بنتي يا كريم ما تيجي تقول لأهلك الأول إنت شغال فين بجد.
وشه قلب أبيض.
وفي اللحظة دي كل اللي قاعدين فهموا إن المصيبة الحقيقية لسه ما بدأتش.
الكتابةبقلم منال علي
الكرسي خبط في الأرض بعنف أول ما كريم قام واقف.
إوعي يا تهاني ما تتماديش.
مدام نادية كشّرت وهي بتعدل طرحتها بعصبية.
البيت ده ماحدش يعمل فيه فضايح.
بصّيت لها بهدوء، من غير ما أعلي صوتي.
الفضيحة بدأت لما ابنك أهان بنتي قدّامكم وإنتوا ضحكتوا.
ليلى بصّتلي باستغراب. ماكانتش فاهمة أنا بتكلم عن إيه.
وده وجعني أكتر من الضحك نفسه لأنه معناه إن بنتي لسه مغمضة عينيها عن حاجات كتير.
الحاج فاروق حط الشوكة من إيده وقال بحدة
يعني إيه شغال فين بجد؟
كريم حاول يضحك وهو متوتر.
ولا حاجة يا بابا دي متغاظة عشان ليلى بقت بعيدة عنها.
فتحت شنطتي بهدوء. طلعت ملف أزرق سميك كنت جايباه وأنا مش عارفة إذا كان عندي الجرأة أفتحه ولا لأ. بس الأم ما تدخلش حرب من غير دليل.
حطّيته قدّام الحاج فاروق.
عقد شغل باسم كريم الشاذلي. وظيفته موظف أرشيف في شركة الرواد للمقاولات. المرتب الشهري تسعة آلاف وخمسمية جنيه. واتعيّن من أربع شهور لما ليلى فضلت تترجاني أشغّله عندي.
لون وش مدام نادية اتبدل فجأة.
الكلام ده كدب.
لا يا نادية الكدب الحقيقي هو رجل الأعمال الوهمي اللي ابنك عامل نفسه بيه.
الحاج فاروق فتح الملف. قرأ أول ورقة بعدها التانية وإيده بدأت تترعش.
إنت شغال عند حماتك يا كريم؟
كريم جزّ على سنانه.
كان شغل مؤقت.
ضحكت بسخرية باردة.
المؤقت كان لما ضيّعت ملفات تراخيص مهمة. والمؤقت كان لما اتأخرت تلات ساعات على تسليم فواتير. والمؤقت كان لما زعقت لعميل قدّام الموظفين. وفي الآخر حطّيناه يعد أدوات في المخزن وحتى دي ما عرفتش تعملها صح.
حد من القرايب ضحك ضحكة متوترة.
كريم خبط السفرة بإيده.
اخرسي!
ليلى قامت ببطء وشها كان مصدوم بطريقة كسرت قلبي.
ليه ما قلتليش؟بقلم منال علي
السؤال ماكانش ليا كان له هو.
وفجأة كريم قلب شخصيته في ثانية. من راجل متكبر لواحد بيلعب دور الضحية.
يا حبيبتي أنا ماكنتش عايز أقلقك. أمك أصلًا بتكرهني، وبتحاول توقع بينا.
عينين ليلى كانوا مليانين دموع.
يعني بجد ماما هي اللي شغلتك عشان أنا طلبت منها؟
ما ردّش.
وسكوته كان أوضح إجابة.
مدام نادية قامت بعصبية وهي بتزعق
ليلى هي السبب في كل ده! لو كانت ست شاطرة بجد، ابني ماكانش بقى مضغوط كده!
حسّيت حاجة جوايا اتكسرت.
ما تعيديش الكلام ده تاني. بنتي صرفت عليه، وغطّت عليه، ودافعت عنه وفي الآخر يسمعها إنه اتجوزها شفقة؟!
ليلى نفسها بقى تقيل. كانت بتحاول تاخد نفسها بالعافية، وإيدها على صدرها.
ماما يلا نمشي.
كريم قرب منها بسرعة.
إنتِ
لمحة نيوز