ولاده

هذه الفتاة وما الذي أتي بها الي هنا فتحدث اليها بصوت منخفض لانه شعر بالحزن تجاهها لانها تبكي بنحيب شديد.
وليد
انتي مين وايه الي حصل.
الفتاة وقد نظرت اليه و وجهها ملىء بالدموع
يارا
أناا…..
وليد پصدمه شديدة
يارا….. انتي ايه الي جابك اهنه و ايه الي حصل فهميني!
يارا پبكاء
يعني انت مش فاكر ايه الي حصل ولا جاي تستهبل علشان تهرب من الي حصل.
وليد
بجد اني مش فاكر كل الي فاكره انه اني جبتك اهنه عشان فيه حد كان بيراقبك من طرف نوح زي ما انتي قولتيلي فجبتك اهنه من غير ما ياخد باله الي بيراقبك بس ايه الي حصل معرفش قوليلي حصل ايه.
يارا پبكاء
مش قادره اقول الي حصل.
وليد
يعني الي في بالي صوح حصل بينا حاجة.
يارا بدموع
ايوة.
و بعدها بدأت في بكاء شديد.
وليد
خلاص كفاياكي عياط روحي اغسلي وشك و تعالى هتكلم معاكي و كمان البسي هدومك عشان اعرف اتكلم معاكي.
اومأت يارا برأسها ولفت جسدها بتلك الغطأ و ذهبت الي خارج الغرفة وهي تبحث عن المرحاض.
أما وليد فبمجرد خروجها انتبه الي شىء فنهض هو الاخر و أبدل ملابسه و خرج ينتظرها خارج الغرفة فهذا المبني من ممتلكات عائلته وهو كان يقيم في هذه الشقة بسبب خلافه مع والدته الايام الماضية.
بعدما أرتدت يارا ملابسها و خرجت الي وليد الذي كان ينتظرها ليتحدث معها.
وليد
الي حصل بيناتنا ده أني متحمل غلطتي قبل غلطتك لانه غلطي كبير انه عملت اكده و اكيد الي حصل بسبب انه اني بشرب كتير الفترة الي فاتت بس متقلقيش هو وقت يعدي علي ۏفاة خالي يوسف و أني هاجي أطلب يدك.
يارا بحزن
ممكن محدش يوافق علشان الخلافات.
وليد
متقلقيش لو حد وقف في طريق الجواز بتاعنا نمشوا و نتجوزوا بعيد أني و أنتي بس إياكي تقولي لحد الي حصل بينا ولا هيبقي فيها قټلك من عيلتك ماشي.
يارا
ماشي.
و بعدها طلب منها وليد أن تذهب بمفردها خوف من أن يراها أحد معه و طلب منها أن تخبرهم في المنزل أنها خرجت في وقت مبكر و عادت الان.
بعدما ذهبت يارا ظل وليد يلوم نفسه علي الذي حدث.
وليد وهو يحدث نفسه
أني كنت بس مخطط أنه نطلعوا مع بعض كام مشوار و يقولوا أنه بت الزناتي بتطلع مع ولد الهواري بس عشان نجبلهم العاړ لكن الي حصل ده كبير قوي يا وليد كيف تعمل اكده مش عارف الغلطه دي يعني ايه بس أني هكون قدها و هصلحها.
في قصر الهواري.
في حديقة القصر
كان يجلس خاطر بمفرده عندما أتت اليه زوجة ابنه مني.
مني
بلغوني انه حضرتك رايدني يا عمي.
خاطر
تعالي اقعدي يا ام وليد.
بعدما جلست منى .
منى
اتفضل يا عمى.
خاطر
وليد بقاله فترة مش عاجبني يا ام وليد مبقيتش اشوفوا في البيت غير صدفه حاصل ايه.
منى بكذب
الواد اول مرة ېقتل يا عمي حضرتك ناسي انه العيال دي مطلعتش ايام التار القديم فالقتل بالنسبة ليهم صعب بس هو عمل اكده عشان يراضيك.
خاطر
يعني عشان اكده.
منى
ايوة يا عمي اني امه و فهماه.
خاطر
طيب يا بتي……. خلي اكرم يكلمه و يقوله يجي النهاردة الجمعة و كلنا متجمعين اهنه.
منى
حاضر يا عمي عن اذنك.
و بعدها دلفت منى للداخل وظل خاطر يكمل جلسته.
في قصر الزناتي.
كان الجميع في القصر بعدما تناولوا طعام الافطار منهم من يجلس داخل القصر و منهم في غرفته
كان يجلس نوح في حديقة القصر وهو يشعر بالضيق عندما أتي اليه احد الرجال الذين يعملون معهم و ما كان هذا الرجل غير تلك الشاب الذي كلفه بمراقبة يارا .
نوح
محمود ايه الي جابك دلوقيت.
محمود
من عشية بحاول اكلم جنابك علي التليفون مش بترد.
نوح
نسيته في الشركه و قولت اروح اجيبه النهاردة في ايه.
محمود
عشيه واني هنراقبها راحت نفس المكان و قابلته رنيت علي جنابك مرديتش و أني فضلت مستنيها تطلع هي او هو محدش طلع دخلت عشان اشوفهم يمكن لساتهم جوه برضوا ملقتهمش قولت يمكن طلعوا وسط الزحمه و مشوفتهمش رجعت اتصلت بجنابك مرديتش عليه.
نوح
انت متاكد من الي هتقولوا ده.
محمود
ايوة يا نوح بيه و مفيش حد يعرف بالكلام ده غير جنابك.
نوح
ماشي يا محمود روح انت اقعد مع باقي الرجالة.
محمود
أمر جنابك.
و بعدها دلف نوح الي داخل القصر وبعدها الي غرفة يارا و في أقل من ثانية كان صوته العالي يهز جدران القصر وبعدها تجمع جميع من في القصر علي صوته وصرخات يارا التي يمسكها من زراعها ويقوم بسحبها علي الدرج حتي توقف بها في الساحه الداخليه للقصر وقد تجمع الجميع منهم من يحاول فهم ماذا يحدث ومنهم من يحاول منعه من الذي يفعله.
علي
سيبها يا نوح كيف تمسك البت بالطريقة دي.
نوح
هملني دلوقيت يا ابوي محدش عارف العايبة دي عملت ايه.
عزيزة
سيب بنتي.
نوح
مش هسيبها غير لما تقولي كانت وين الليله الي فاتت دي.
أحمد
كانت وين كيف يا ولدي اكيد كانت اهنه.
نوح
لا مكنتش و الدليل علي اكده منزلتش اتعشت معانا و مكنتش علي الفطار ولسه راجعه من بره مليهاش ساعة ولما تسألها كانت وين تقولك انها طلعت بدري بس راحت وين بدري دي مكنتش بايته الليلة الي فاتت اهنه
وبعدها نظر اليها وهي تحت قدمة وهو يضغط علي ذراعها بيده وتحدث
قولي كنتي في البيت ولا لا.
يارا وهي تتألم
كنت في البيت أنت بتتبلي عليه.
يونس
سيبها يا نوح البت بتقول انها كانت اهنه.
نوح
أنت متدخلش يا يونس مش انت بتقول انهم ولا اخواتك ولا حتي تعرفهم اني عاد ولد عمها ومش هسيبها لحد ما تجيبلي العاړ طلعاتها مع وليد ولد الهواري كتيرة و حزرتها قبل سابق انها متطلعش معاه وهو عايز يلبسنا العاړ وهي كسرت كلمتي و طلعت معاه.
يارا
كدب انا مخرجتش معاه و امبارح نمت هنا.
نوح
دول مش نفس هدومك الي كنتي طالعة بيهم عشيه و غير ده كله الي كان بيراقبك مش بيكدب بيقول انكم مطلعتوش من المكان الي كنتوا فيه لانكم عارفين انه مراقبكم و الليل كله مكنتيش في القصر جبتيلنا العاړ يا عايبة بس هنقول ايه امك تبقي عزيزة الي هملت جوزها وهربت مع ولد عمه و سابت ولدها وهو عيل صغير عشان هي حرمه
علا
خلاص يا نوح كفاية الكلام ده عيب و سيب البت في حالها.
نوح
مش هسيبها غير لما اتأكد.
عبدالرحمن
تتأكد من إيه.
نوح
من انها بت ولا لا.
علا
اكده و كفاية عاد غلط الي بتقولوا ده.
نوح
الغلط لما هي قالت أنها نايمة في البيت وهي كانت مع ولد الهواري.
يارا بدموع خوفا من أن ينفضح أمرها
محصلش كدب الي بتقولوا كله كڈب.
نوح
كدب طيب أني اقولك كدب ولا لا…….. قوليلي يا لارا أنتي الي قولتي الليلة الي فاتت لما كنا بنتعشي انه يارا مش جعانه لما عمى على سأل عليها تقدري تقوليلي أنتي طلعتي عندها و شوفتيها ولا لا.
لارا
أنا… أنا..
عزيزة
أتكلمي يا لارا.
زين
قولي يا لارا.
لارا بكذب
ايوة شوفتتها.
نوح
كلنا دلوقيت هنعرفوا كل حاجة.
زين پخوف
هنعرف ايه سيب اختي يا نوح.
نوح
هسيبها و هعتذرلها لو طلع كلامي كڈب و هنفذ أي حاجة عشان أكفر عن غلطتي.
و قبل أن يتحدث أحد بشىء اخر دق جرس الباب فذهب ادم ليرا من الطارق وعاد بعد قليل و معه ثلاث نساء أغلب من في القصر يعلم من يكونوا تلك النساء ومنهم لا يعلم من هم.
علا وهي تحدث نوح
ايه ده يا نوح.
نوح
دايات يا أمي.
علا
أني عارفه انهم دايات بس بيعملوا ايه اهنه.
نوح
جايين يكشفوا عليها.
على
ايه الي بتقولوا ده يا ولدي هتخلي سيرتنا علي كل لسان.
نوح
اني بحاول اغسل العاړ و أتاكد من الي في دماغي صوح ولا غلط الخدم و مشيتهم من القصر النهاردة و الدايات دول مش هيفتحوا خشمهم بأي كلام لانهم عارفين ايه الي هيحصل و جبت تلت دايات عشان مبقاش ظلمتها.
عزيزة
سيب بنتي محدش هيكشف عليها.
يونس بضيق
سيبها يا نوح.
نوح
أنت خليك بعيد يا يونس دول بتقول انك متعرفهمش يبقي خليك اكده ولو طلع كلام كدب هديك السلاح بيدي عشان تقتلني بيه.
و بعدها نظر الي الثلاث دايات و طلب منهم أن يلحقوه للاعلي و ذهبت خلفه عزيزة و أبنتها و أبنها أيضا و خلفهم علا التي كانت تشعر بالضيق الشديد بسبب الذي يحدث أما الباقي فقد ظلوا في الاسفل.
امام غرفة يارا.
نوح وهو يحدث أحد الدايات
هتدخلي معاها و تكشفي عليها لوحدك و أياكي تكدبي في حاجة الموضوع موضوع شرف وانتي فاهمه يعني ايه و فيه اتنين بعدك هيكشفوا عليها.
الداية
متقلقش يا نوح بيه أني فاهمه كل حاجة.
و بعدها دلفت و معها يارا التي كانت تشعر بالخۏف الشديد أما نوح فلم يسمح بدخول أحدا معهم غير عزيزة لأنه يعلم أن الثلاث دايات لا تستطيع شرائهم بأي أموال.
بعد وقت
كان يقف نوح و زين و علا و لارا أمام غرفة يارا وهم يشعرون بالقلق الشديد ومعهم الامرأتين الذي ينتظرون دورهم ليدلفوا للكشف عليها حتي خرجت الامرأة التي في الداخل.
علا
قوليلي حصل ايه يا بهية.
بهية
البت مش بت بنوت عامله الغلط ربنا يسترها علي بناتنا.
نوح
ماشي تقدري تمشي انتي و اكيد عارفه انه مينفعش حد يعرف الي حصل اني مجبتش دكتور عشان الكلام الفاضي بتاعهم.
بهية
أمرك يا نوح بيه أني مكنتش اهنه خالص.
و بعدها ذهبت و دلفت الداية الاخري التي خرجت بعد قليل و أخبرتهم نفس الشىء و ذهبت و دلفت بعدها الداية الثالثة.
أما نوح فقد تركهم واقفون أمام باب غرفة يارا و ذهب الي غرفته.
في غرفة نوح
بعدما دلف لمدة دقيقة و خرج من الغرفة مرتا اخري وجد سارة تنتظره أمام باب غرفته التي لا تبعد كثيرا عن غرفة يارا .
نوح
سارة بتعملي ايه اهنه روحي اوضتك بلاش تبقي موجودة وهي الامور دي بتحصل.
سارة
ليه صغيرة ومش فاهمه ايه الي بيحصل.
نوح
مش قصدي اكده بس.
سارة
بس ايه انت ليه بتعمل اكده معاها وهي ساكته ومش بتتكلم انت مفكر نفسك انها هتقضي معاك ليلة زينة ومش هتقضيها مع وليد ولا كنت عايزها تبقي ليك وحدك متعرفش انه الرخيص اكده بيبقي مع الكل.
نوح
ايه الي بتقوليه ده.
سارة
متعملش نفسك مش فاهم اني عارفه كل حاجة بس اقولك هي تستاهل كل حاجه تحصل فيها.
وبعدها تركته و ذهبت الي الاسفل بدون ان
تنتظر منه اي رد علي حديثها أما هو فقد كان اهتمامه الاكبر بالذي يحدث فذهب الي غرفة يارا في نفس الوقت الذي خرجت به الدايه من الداخل و أخبرته مثل الاخرون فطلب منها ان تذهب هي الاخري.
و بمجرد خروج الداية من القصر بأكمله دلف نوح الي داخل الغرفة وقام بشد يارا من فوق سريرها من خصيلات شعرها و هبط بها علي الدرج الي الاسفل وهو يقوم بشدها فوق الارض وهي تتلوي من شدة الألم و جميع من في الاعلي يهبط خلفه و كان أكثرهم خوفا هي علا لانها تعلم ماذا يحدث.
نوح
صدقتوا كلامي انها زي أمها عملت العيب و هتلبسنا العاړ صدقتوني كلكم اني مش هتهمها باطل غير لما أبقي متأكد.
يارا
سيب شعري ايوة أنا عملت كده مكنتش في البيت امبارح روحت مع وليد شقته في المدينة و حصل بينه حاجة.
عندما تحدثت بكل هذه الوقاحة نظر اليها الجميع پصدمه ما عدا عزيزة و أبنها و إبنتها أما نوح فمن شدة صډمته تركها و بعدها هي توقفت بصعوبة من شدة الألم التي ب جسدها و أكملت حديثها وهي تقف أمام نوح.
يارا
مش عايز تعرف الحقيقة و كلكم عايزين تعرفوها هي دي الحقيقة بس وليد وعدني اننا هنتجوز حتي لو الكل وقفوا قصادنا