س حماتي كانت شايفه بقلم نور محمد

متعلمة في أمريكا، من عيلة غنية، وجمالها ملوش زي.
حماتي كانت عايزة “تمسحني” من حياة خالد عشان تحط مي مكاني.
بعدها بـ يومين، اتفاجئت بـ حماتي بتكلمني في التليفون وبتقول بـ نبرة ناعمة غريبة:
“حقك عليا يا سارة.. أنا كنت مضغوطة. تعالي إنتِ وخالد بكرة نتعشى سوا، ونفتح صفحة جديدة.. إحنا ملناش غير بعض.”
صدقتها.. قولت يمكن حنّت.
روحت وأنا لابسة أجمل حاجة عندي، وأول ما دخلت، لقيت الصد.مة مستنياني.
نص العيلة كانت هناك..

و”مي” قاعدة في نص الصالون، لابسة فستان سواريه، وماسكة إيد خالد بـ جراءة وبتحكي له عن ذكرياتهم في المصيف زمان وهي بتضحك بدلع.. وحماتي واقفة بتبصلي بـ ابتسامة نصر، وقالت قدام الكل:
“نورتي يا سارة.. تعالي سلمي على “مي”.. العروسة اللي كنا بنتمناها لخالد من صغره!”
#الكاتبه_نور_محمد
الفصل الأخير: الضـ,ـربة القاضية.. ودرس العمر
وقفت مكاني، والدـ,ـم بيغلي في عروقي. “مي” كانت قاعدة بـ “دلع” مبالغ فيه، وحماتي بتبص لي بنظرة شماتة، وكأنها بتقولي: “شوفتي الفرق؟”
“مي” سابت إيد خالد ببطء وقالت بـ ضحكة صفراء: “أهلاً يا سارة..

معلش يا حبيبتي، كنا بنفتكر أيام الشقاوة أنا وخالد، أصلنا متربيين مع بعض، والقلوب عند بعضها!”
القاعة كلها كانت بتبص لي مستنيين “انفجاري”.. مستنيين أشتم أو أعيط وأخرج أجري.
بس أنا سكت.. بصيت لـ خالد، اللي كان ملامحه “جامدة” زي الحجر.
حماتي كملت بـ سمّ: “اقعدي يا سارة، اقعدي كلي لقمة.. أهو تتعلمي من “مي” الرقة والشياكة، أصلها لسه جاية من “باريس”، مش زيك يا بنتي آخرك المحافظة!”
في اللحظة دي، خالد قام وقف.
الكل سكت تماماً. سحب الكرسي بتاعه، وبدل ما يقعد بعيد، جه ووقف جنبي، وحط إيده على كتفي بكل فخر.

بص لـ “مي” وقال بنبرة “جليد”:
“نورتي مصر يا مي.. والذكريات اللي بتحكي عنها دي كانت ذكريات أطفال، والأطفال بيكبروا يا بنت خالتي.. وأنا كبرت لدرجة إني عرفت أميز بين “الماس” و”الإكسسوار” اللي بيلمع على الفاضي.”
“مي” وشها اتخطف، وحماتي قامت وقفت بغضــ . ــب: “جرى إيه يا خالد؟ إنت بتهين بنت خالتك عشان خاطر دي؟”
خالد بص لأمه بعيون كلها عتاب وحزم:
“لأ يا أمي.. أنا بصون بيتي. إنتِ عزمتينا عشان “تصالحينا”، بس الحقيقة إنك عملتي “فخ” عشان تهيني مراتي. والشقة اللي دخلتيها وكسرتي صورنا فيها..