قاصره
نظر امجد اليها بأستغراب ثم ذهب من الغرفه ونزل الي الاسفل فوجد ادم يجلس وهو يتحدث في الهاتف بعصبيه وعندما وجد اخيه اغلقه وتحدث مردفا: اهلا يا امجد انا محضر نقسي اهه علشان اجي معاك الشغل
امجد بجديه: وانت مروحتش الجامعه بتاعتك ليه وبعد ما تخلص تيجي الشغل
ادم بضيق: معنديش محاضرات مهمه يا امجد وعايز اجي الشغل
امجد بحده: هو انت حد غصبك علي الكليه دي كارها جوي اكده ليه
ادم بحزن: اكده مش عايز اروح هحول كليه تانيه
امجد بعصبيه: انت مجنون دي اخر سنه ليك… روح الشغل دلوجتي ونبجي نتكلم في الموضوع دا يلا
ذهب ادم من البيت فتحدثت حنين مردفه: فداء هي ال تعرف هو مش عايز يروح الجامعه ليه
امجد باستغراب: وانتي عرفتي منين
حنين: سمعتهم وهما بيتكلموا امبارح
تنهد امجد بضيق ثم ذهب اما عند روح كانت تشاهد الغرفه بابتسامه فهي خقا رائعه الجمال حتي وجدت خاتم في احدي الادراج ونظرت اليه بأعجاب شديد ثم وضعته في حقيبتها ولكنها لمحت مكه وهي تنظر اليها من خلف الباب فشعرت بالتوتر الشديد اما عند مكه نزلت الي الاسفل ووجدت زهره التي تحدثت مردفه: حبيبتي جيتي امتي يا جلبي من المدرسه
مكه: لسه جايه يا تيته دلوقتي عمو طاهر جابني ومشي وماما هتيجي دلوقتي تاخدني .. تيته انا شوفت ال بابا اتجوزها وهي بتاخد الخاتم من الدرج وحطته في الشنطه
زهره بلهفه: انتي متأكده يا حبيبتي
مكه:
ايوه والله يا تيته انتي عارفه اني مش بكدب
بعد فتره من الوقت وصلت فداء وايضا امجد فتحدثت زهره بحده مردفه: امجد كلنا عارفين ان مكه مش بتكدب
روح بتوتر: لع هي كدابه وهي ال سرجت الخاتم ادخلوا حتي شوفوا في اوضتها ذهب الجميع الي غرفه مكه وبدأوا في البحث حتي وجد امجد الخاتم فنظرت فداء اليه بضيق وتحدثت مكه مردفه: والله يا بابا ما سـ,ـرقت حاجه انت عارف اني مستحيل اخد حاجه
فداء بضيق: مكه خليكي هنا خرج امجد وفداء من الغرفه وتحدثت مردفه: هو انت مصدق ان بنتك حراميه
امجد بعصبيه: انا مصدج عيني دلوجتي الخاتم كان في اوضتها وروح مش كدابه دلوجتي
صرخت في وجهه بغض,,ب شديد مردفه: يعني انت بتختار مراتك عن بنتك
امجد بحده: فدااء.. انتي عارفه زين ان بنتي اغلي واحده عندي بس الغلطان لازم يتعاقب مهما كان مين ومهما حوصل
فداء بغض,,ب: بنتي مش حراميه يا امجد وعمرها ما مدت ايديها في حاجه وهي قالت ان روح ال عملت كده
روح بعصبيه: بنتك كدابه حرام عليها تجول عليا اكده انا مش حراميه وهي ال سرجت الخاتم مش انا وكان في اوضتها
فداء بزعيق: بنت انتي انا مش بتكلم معاكي اصلا واوعي تقولي علي بنتي كده
امجد بعصبيه: خلاص بجا انا جولت ال عندي مكه هتتحاسب علي ال عملته
