زواج عرفى

اخر حاجة شوفتها قبل مايغمى عليا.
فتحت عينى لقتنى جوة نفس الاوضه اللى كل ماأمشى ارجعلها تانى بصيت على ايدى لقيت فيها كانولا ومحلول متركب فيها شلتها رغم الۏجع اللى حسيت بيه وقومت من على السرير بضعف وخرجت بره الاوضه ودورت فى كل الشقة مش لاقيه حد وكمان باب الشقة مقفول بالمفتاح يعنى انا كدة اتحبست طلعت على البلكونه لقيت انى فى الدور العلوى ومهما صړخت محدش هيسمعنى افتكرت كلامه
نمت على الارض وصحيت على اكتر صوت بكرهه بيقولى شكلك ملكيش فى العز ورغم كل الاوض دى برضه نايمة على الارض.

قمت وقفت قدامه وبصتله بأستحقار العز اللى يجى من وشك يبقا
شړ بالنسبالى .
قرب عليا خطوة ونفس نظرة الشړ فى عينه قالى لمى لسانك احسنلك مش كتر خيرى ان على اخر لحظة وقفت العربية ومنهتش حياتك وكان زمانك مرميه دلوقتى ولا حد سأل فيكى.
عليت صوتى وانا بقوله الخير اللى يجى منك مش عيزاه وياريتك سبتنى مت عشان ارتاح منك
ابتسم ببرود وقالى لا لسة ليكى لازمة ……وقرب وشه

وهمس فى ودنى بقا انتى تبقى بنت حسن المهدى والله وقع ومحدش سما عليه.
زقيته بعيد عنى وقولتله بعص بيه اياك تقرب من بابا ولا اى حد من اهلى انت سامع.
قال بستهزاء حاضر. تحت امرك يامولاتى اى اوامر تانية.
قربت صوبعى من وشه وقولتله والله العظيم لو قربت على حد من اهلى سواء بابا او اختى والله ھإيذاءك.
وبعدها زقنى جامد لدرجة انى وقعت على الارض وبصتله والدموع فى عينى فاكمل كلامه وهو بيشاور عليا وبيقولى اهو دة مقامك انتى واهلك كلهم هنا تحت رجلى وخديها وعد منى هخلى ابوكى يركعلى وبرضه مش هسامحه.

دموعى نزلت من الڼار اللى فى قلبى وانا بقوله يااااه لدرجادى پتكره بابا !
كان عملك ايه ولا انا عملتلك ايه عشان تعمل فينا كدة! يأخى حرام عليك بقا.
فضلت اعيط قدامه وصوت عياطى بيزيد وهو واقف زى الصنم قدامى ومردش عليا ودخل الاوضه وهبد الباب .
قومت من على الارض وجريت على باب الشقة بس للاسف قفله تانى وأخد المفتاح معاه جوة طب اعمل ايه ياربى فضلت اخبط جامد على باب الشقة واصړخ عشان حد يسمعنى ويجى يساعدنى ياناااااااااس ياناااااااس الحقوووووونى.

لحد ماسمعت صوته من جوة الاوضه بيقولى متتعبيش نفسك محدش ساكن في العماره غيرنا.

جملته خلتنى افقد الامل وقعدت فى الارض جمب الباب وانا لا حول ليا ولا قوة وشويه ولقيته خرج من الاوضه بصلى وقالى جبت أكل ابقى كلى انا داخل اخد شاور لو طلعت لقيتك مكلتيش
معطنيش فرصه ارد ودخل فورا على الحمام ضغطت على ايدى جامد من كتر الغل اللى جوايا
ومش عارفة اخد حقى منه
يارب ساعدنى قومت من على الارص لما جتلى فكرة وروحت قفلت عليه باب الحمام من بره ودخلت اوضته ادور على مفتاح الشقة وفعلا لقيت مفاتيح كتير فى جيب بنطلونه اخدتها بفرحة وطلعت اجرى على باب البيت
وجربت اول مفتاح بس منفعش وجربت