مربيه اطفال رجل الاعمال
كأنها متبرمجة تتابعها
وقفت قدام باب حديدي في آخر الممر
مكتوب عليه مخزن
بس الباب كان مقفول بسلسلة قديمة
مش قفل إلكتروني زي باقي البيت
ده كان باب مختلف
هبة مدت إيدها ولمست السلسلة
وفجأة سمعت صوت وراها
ما تلمسيهوش
لفت بسرعة
حسام واقف
بابتسامته الهادية المعتادة
بتعملي إيه هنا
هبة ردت بثبات
بشوف المخزن
حسام قرب خطوة
مفيش حاجة مهمة هناك
مجرد أدوات قديمة
هبة بصتله
لو مفيش حاجة مهمة ليه متقفل بالشكل ده
سكت لحظة
وبعدين ابتسم
أوامر الباشا
بس صوته كان فيه حاجة مش مستقرة
هبة رجعت خطوة وقالت
طيب تمام
ورجعت على أوضتها
لكن قبل ما تقفل الباب بصت من فتحة صغيرة
وشافت حاجة خلت قلبها يقع
حسام فتح الباب الحديدي بمفتاح صغير كان مخبيه في جيبه
ودخل جوه
والمفاجأة إن الباب اتقفل وراه من جوه
مش اتقفل عليه
اتقفل بإيده هو
في الصباح
العيال كانوا هاديين بشكل غريب
كأن الليلة اللي فاتت غيرت فيهم حاجة
آدم قاعد ساكت
مالك مش بيعمل مقالب
ياسين مش بيكسر حاجات
يوسف بس هو اللي بص لهبة وقال
إنتي شفتيه صح
هبة بصتله
شوفت إيه
يوسف قرب وقال بصوت واطي
المخزن
في حاجة هناك
في صوت بييجي بالليل
قبل ما هبة ترد كريم دخل فجأة
وشكله مرهق
بص على الأطفال وبعدين على هبة
وقال
مفيش خروجات من الأوضة من غير إذن النهاردة
هبة ردت بسرعة
حتى لو في حاجة مش طبيعية في البيت
كريم سكت لحظة طويلة
وبعدين قال
في حاجات في البيت ده مش محتاجة تتفتح تاني
المشهد ده خلاها تتأكد إن في حاجة كبيرة مستخبية
في نفس الليلة قررت ما تسمعش كلام حد
الساعة 11 بالظبط
نزلت تاني للممر
بس المرة دي كان في صوت
مش صوت خطوات
صوت حاجة بتتسحب على الأرض من جوه المخزن
قربت ببطء
مدت إيدها على السلسلة
بس لقت إنها مفتوحة
الباب كان مفتوح من جوه
مش من بره
دخلت
والهواء كان تقيل
ريحة دواء قديم ورطوبة
ومع كل خطوة كانت تسمع صوت نفس
لكن مش نفس واحد
أنفاس كتير
وفجأة النور اشتغل لوحده
واللي شافته خلاها ترجع خطوة لورا
ملفات
أجهزة مراقبة
شاشات صغيرة بتعرض غرف البيت كلها
والأطفال نايمين في كل زاوية
والأهم
صورة لامرأة شبه ملامحها أم الأطفال
لكن مكتوب تحتها
ما زالت على قيد البحث
هبة همست لنفسها
إزاي
وفي اللحظة دي سمعت صوت وراها
كنت عارفة إنك هتيجي هنا يا هبة
لفت
حسام
لكن المرة دي مكنش بيبتسم
كان وشه بارد تمامًا
وقال
أنتي فاهمة إنك دخلتي مكان المفروض يفضل سري
