خاتم الماس حكايات اسما

قلبي وقع

قلت له حصل لها إيه

قال تعبت فجأة وتم نقلها المستشفى

قبل ما تدخل العمليات أصرت تسيب رسالة

وكانت بتسأل عنك بالاسم

اتصدمت

أنا

ليه أنا

قال هي عرفت اسمك من الكاشير لما سألت عنه بعد ما مشيت

كانت عايزة تشكرك بطريقة خاصة

بس الوقت مكنش في صالحها

سكت لحظة وبصلي بجدية

قال أنا المحامي بتاع العيلة

وكان لازم ألاقيك بنفسي

دخلته البيت

العيال كانوا واقفين ورايا

أكبرهم يوسف كان عنده 13 سنة

كان فاهم إن في حاجة كبيرة بتحصل

قلت له يخش هو واخواته جوه

قعدنا في الصالة البسيطة

قال لي الس,ت اسمها مدام نجلاء

وجوزها الله يرحمه كان صاحب سلسلة مصانع أدوات منزلية معروفة في الغربية

بعد وفاته كانت ع,ايشة لوحدها

وما عندهاش أولاد,

حسيت الدنيا بتمي, تحت رجلي

قال لي قبل ما تدخل العمليات قالتلي بالحرف

الراجل اللي رجعلي خاتمي يستاهل كل خير

الناس اللي لسه فيها أمانة قليلة

ولو خرجت من العملية عايزة أشوفه

ولو ما خرجتش يبقى حقي أعمل له اللي يريحه

كنت مش مستوعب

قلت له تقصد إيه

طلع ملف من شنطته

قال الست عملت تعديل على وصيتها امبارح

كتبت إن جزء من ثروتها يتحط في صندوق تعليمي باسم زوجها

والشخص اللي اختارته يكون مسؤول عن إدارته هو أنت

حسيت إن قلبي هيقف

قلت له أنا

أنا راجل على قدي

بشتغل في مخزن

مش فاهم في المصانع ولا الإدارة

ابتسم لأول مرة وقال

هي قالت نفس الكلام

بس قالت إن اللي يرجع خاتم بملايين وهو محتاج الفلوس أكتر من أي حد

هو أأمن واحد على مال يتصرف في خير

دموعي نزلت غصب عني

أنا عمري ما كنت بدور على مقابل

كنت بس بعمل الصح

قال لي في حاجة تانية

الست خرجت من العملية

وحالتها مستقرة

وأول طلب ليها إنها تشوفك

ما استنيتش

لبست بسرعة وخدت يوسف معايا

روحت المستشفى

دخلت أوضتها

كانت ضعيفة

بس أول ما شافتني ابتسمت

مدت إيدها لي

وقالت بصوت واطي

كنت بدور عليك

قلت لها أنا اللي المف,روض أشكرك

قالت لي لا

أنت رجعتلي آخر ذكرى من جوزي

وأنا مش عايزة أمشي من الدنيا من غير ما أرجعلك جميلك

قلت لها أنا ما عملت,ش غير واجبي

قالت الواجب دلوقتي نادر

الناس بقت تست,سهل الغلط

قعدنا نتكلم كتير

حكت لي عن حياتها

عن حبها لجوزها

عن إحساس الوحدة بعده

قالت إن يوم ما الخاتم ضاع منها حست إن الدنيا بتنهار تاني

ولما رجعته حسّت إن ربنا لسه بيراعيها

بعد أسبوعين خرجت من المستشفى