جوزي قلع حذامه
ـ “إيه ده؟ ده اتهام بالابتزاز والتهديد وتحت الإكراه! أنا ماليش دعوة بالكلام ده يا جماعة.. أنا محامي محترم!”
قلت للمحامي بهدوء:
ـ “استنى يا أستاذ فرغلي، متلمش الورق.. أنا لسه مخلصتش كلامي”.
التفت لمدحت وأمه وقلت لهم:
ـ “التسجيل ده، مع فيديو الكاميرا المخفية اللي امبارح واللي واضح فيه مدحت وهو رافع الحزام عليا، هيروح حالا للنيابة بتهمة الشروع في القتل، والابتزاز، والنصب والسرقة بالإكراه. ده غير بقى إن فيه مفاجأة تانية خالص لطنط توحيدة ومدحت حبيب قلبها”.
توحيدة بلعت ريقها بصعوبة وقالت بصوت مرعوش:
ـ “مـ.. مفاجأة إيه؟ أنتي فاكرة نفسك هتخوفينا؟”
أنا طلعت ورقة تانية خالص من شنطتي وحطيتها على المكتب وقلت:
ـ “دي صورة من السجل التجاري والملف الضريبي لشركات أبويا الله يرحمه.. قبل ما أموت بأسبوع، أبويا كان حاسس بنواياكم الخبيثة، عشان كدة نقل كل العقارات والمحلات دي لـ ‘مؤسسة خيرية’ باسمه، وأنا مجرد ناظرة على الوقف ده.. يعني قانوناً،
الأملاك دي مش باسمي ولا أملك حق بيعها أو التنازل عنها لأي حد! يعني حتى لو كنتوا موتوني ومضيتوني، العقود دي كانت هتبقى حبر على ورق وملهاش أي قيمة قانونية!”
مدحت صرخ بصدمة:
ـ “أنتي بتقولي إيه؟! يعني المحلات والعمارة مش بتاعتك؟”
قلتله بضحكة انتصار:
ـ “بتاعت فاعل خير يا روح قلبي.. شفت بقى إنكم جريتوا ورا سراب؟ إنت اتجوزتني عشان طمعان في ورث.. والورث طلع مش ملكي أصلاً، ده ملك الغلابة والمحتاجين!”
توحيدة وقفت وهي بتصوت وتلطم على وشها:
ـ “يادي المصيبة! يادي الفضيحة! ضحكت علينا البت.. ضيعت شقا عمرنا في المصاريف والفرح وشهر العسل يا مدحت يا خايب!”
وقفت ولميت حاجتي وتليفوني، وبصيت لمدحت وقلتله:
ـ “ورقة طلاقي توصلي لحد البيت في خلال ٢٤ ساعة.. بالمعروف ومن غير شوشرة، وإلا الفيديو والتسجيلات هتبقى تريند مصر كله بكرة الصبح، والنيابة هتبقى خطوتنا الجاية. أظن شفت بنفسك امبارح بونية أبطال الجمهورية بتعمل إيه.. فبلاش تخلي القانون هو اللي يديك البونية الجاية عشان هتبقى قاضية”.
سبتهم في المكتب.. مدحت قاعد حاطط راسه بين إيديه وهو بيبكي على حلمه اللي ضاع، وتوحيدة بتصرخ وتدعي عليه وعلى غبائه، والمحامي بيطرد فيهم برة المكتب.
خرجت من المكتب، ووقفت في الشارع، وأخدت نفس طويل وعميق.. حسيت لأول مرة إن روح أبويا مرتاحة، وإني قدرت أحمي نفسي وأحمي شقاه من شوية ضباع. ركبت عربيتي وأنا ببتسم وبقول لنفسي: “قواعد
