جوزي سـ,ـرق رحمي

بعد إجها.ضي، فضلت فترة مابخلفش، روحت أكشف اكتشفت إن جوزي اتفق مع الدكتور إنه يشيل لي الرحم والجنين!
الدكتور بص لي بشفقة وهو بيقولي الجملة اللي هدت حياتي: “يا مدام الرحم مش موجود أصلاً عشان يحصل حمل، إنتِ عاملة عملية استئصال كاملة!” قصص وروايات أمانى سيد
وقعت من على الكرسي وأنا مش حاسة برجلي.. استـ,ـئصال؟ إزاي؟ أنا دخلت أوضة العمـ,ـليات عشان “تنضيف” بعد الإجهاض، جوزي “جمال” وقتها قالي إنها عملية بسيطة وهنرجع البيت.
رجعت البيت وأنا زي المجنونة، دمي غلي لدرجة إني مكنتش قادرة أتنفس. فتشت في “الخزنة” بتاعته اللي دايماً قافلها، ولقيت الكارثة..

لقيت “تنازل” ممضي باسمي – تزوير طبعاً – وموافقة على استئصال الرحم بداعي وجود “ورم خبيث”، وجنبها شيك بمبلغ خيالي طالع من حساب جوزي للدكتور “عادل”. قصص وروايات أمانى سيد
دخل جمال البيت ببروده المعتاد، رميته بالورق في وشه وأنا بصرخ وبترعش: “عملت فيا كدة ليه يا جمال؟ شلت رحمي وقت.لت ضنايا ليه؟ ده أنا كنت بمو.ت عشان أرضيك!”
جمال مقلعش حتى جزمته، قعد على الكرسي وحط رجل على رجل وبصلي بمنتهى القسوة وقال:
“أيوة يا همت، أنا اللي اتفقت مع الدكتور..

ومكنش فيه ورم ولا حاجة، أنا بس كنت عايز أقطع عرق وأسيح دمه، مكنتش عايز منك عيل يربطني بيكي العمر كله.”
وقعت تحت رجله وأنا بنهج: “ليه؟ ده أنا حبيتك وخدمتك وخدمت أهلك! ليه تحرمني من الأمومة للأبد؟”
رد بضحكة ساخرة خلت جسمي يقشعر:
“حبتيني؟ ومين قالك إني حبيتك؟ أنا اتجوزتك بس عشان أكون قريب من ‘هبة’ أختك.. أنا بحبها هي، وعايزها هي، بس الظروف وقتها مكنتش سامحة.. ودلوقتي هبة اطلقت، وأنا مش مستعد أعيش معاكي وإنتِ شايلة في بطنك عيل يقرفني ويمنعني أتجوزها..

شلت رحمك عشان تطلعي من حياتي ومحدش غيري يرضى بيكي، فتقعدي هنا ‘خدامة’ ليا وليها لما تيجي، ده لو فكرت أخليكي على ذمتي أصلاً.”

مكملش كلامه، وفجأة الباب اتفتح.. ودخلت هبة أختي، وهي لابسة فستان أحمر وشايلة شنطتها. بصتلي بمنتهى الاحتقار وقالت لجمال:
“خلصت يا حبيبي؟ قولت لها إننا خلاص رتبنا كل حاجة؟”
جمال قام وحض.نها قدام عيني، وأنا مرمية على الأرض زي الجثة الهامدة، وقالها:
“قولت لها يا روحي.. قولت لها إنها من النهاردة مالهاش لازمة، لا ست بيت ولا أم.. هي مجرد (خيال مآتة) في البيت، لحد ما تخلص إجراءات نقل الشقة باسمك، وبعدين نرميها في الشارع تشحت لقمتها او ترجع بيت ابوها ده لو لقت بيت اصلا .”