روح راجعه تنتقم
روحها راجعة بعد سنتين تنتقم مننا عشان اللي عملناه فيها… وقبل ما نبدأ حكايتنا اعرفكم على بطل حكايتنا اللي اسمة ابراهيم عنده 30 سنة لسه مش متجوز وعايش مع أمه واخوه عادل اللي اصغر منه بسنتين وفي يوم امه كانت قاعده مع نعيمة جارتها وقالت لها الام والنبي يا نعيمة اجوز إبراهيم ابني اوي حاله مش عجبني خالص الواد كبر برضو نعيمة الصراحة يا فوزية انا قدامي واحدة بنت حلال اوي وبنت ناس طيبين وانا بقول انها تليق على إبراهيم لانه هو كمان ابن حلال وطيب
فوزية والله يا نعيمة انا ابراهيم ابني ده وانتي عارفه هو لو اتجوز هيعرف يفتح بيت ويحافظ علي مراتة بس هي مين اللي انتي قصدك عليها دي بقا نعيمة دي بنت ابو محمد اللي حدانا في البلد البت الصراحة ايه في مصحف كده ومالهاش في الكلام اللي بنات اليومين دول بيعملوه فوزية طيب كويس وطالما انتي عارفها كويس كده تبقا هي زي الفل خلاص انا لما ابراهيم يرجع انا هاقوله عنها كده وبعدين نبقا نشوف
نعيمة خلاص ابقي ردي عليا وانا اكلم امها اصل البت دي بقا عرسانها ياما وانا مستخسراها في حد غير إبراهيم ابنك ومشيت نعيمة وفوزية قالت لإبراهيم فوزية شوف يا ضنايا دلوقتي انا كنت بتكلم انا وخالتك نعيمة على انك لازم تتجوز وهي بقا قالت لي على حتة بنت انما ايه قمر وبنت حلال وبتقول كمان مؤدبة اوي يا إبراهيم إبراهيم هو انتي برضو مصممة اني اتجوز ياما ما انتي عارفة اللي فيها وبعدين عايز اقولك حاجة انا لسه الشقه عايز فيها شغل كتير اوي
الام ومالو يابني انا معاك ومش هسيبك لا انت ولا اخوك غير لما اجوزكم واطمن عليكم وبعدين هو انا يعني كنت سايبه الأرض اللي انا وارثاها من ابويا دي ليه ماهي ليك انت واخوك وخرج عادل من جوه وقال لها عادل وانا كمان ياما جوزيني بقا انا نفسي اتجوز اوي الصراحة يعني الام ومالو يلا شوف انت كمان العروسة وانا اجوزك انت واخوك في ليلة واحده واعملكم احلى ليله إبراهيم
ربنا يخليكي لينا ياما والله مش عارفين من غيرك كنا هنعمل ايه ربنا يبارك لنا في عمرك وانت ياعم اللمض طبعا انا عارف انت عينك من مين الام ايه ده يعني عادل عينة على واحده ودي مين دي بقا ياحبيبي عادل انا عايز اتجوز فاطمة بنت خالي ياما انا بحبها من زمان وهي كمان وانا بقا عايز اتجوزها والنبي ياما تكلمي خالي وتطلبيها منه الام بسيطة حاضر يا حبيبي انا هكلم لك خالك ولاني اصلا مكنتش عايزة بسبب مراتة اللي يتفات لها بلاد دي انت عارف مرات خالك دي محدش في العيلة بيحبها
