روح راجعه تنتقم

اطمني يا خالتي انا هتصل بكل اللي نعرفهم وان شاء الله هنلاقيه بخير يلا ارجعي البيت اجي اوصلك حنان لا لا يابني خليك يلا تصبحو على خير ومشيت حنان وفوزية قالت لعيالها فوزية يعني هيكون راح فين يا ابراهيم انت تعرف حاجة يابني ومرضتش تقول لأمه ابراهيم وانا هعرف ايه بس ياما انا معرفش حاجة والله هو كام معايا لحد بعد العشا ومن بعدها مشتفهوش عادل يعني هيكون راح فين يعني هو عيل صغير عشان امه تلف تدور عليه بقولكم ايه انا داخل انام يلا تصبحو علي خير

ابراهيم انا كمان هدخل اريح شوية وربنا يسترها يلا تصبحي على خير ياما فوزية انت من اهله ياضنايا انت وهو ودخل ابراهيم نام وبعدها بساعه ابراهيم في السرير والاوضة ظلمة جاله عصام وهو وشة شاحب وشكلة مرعب وإبراهيم شافه وقاله ابراهيم عصام بسم الله الرحمن الرحيم انت جيت منين ياعصام دي امك قالبه الدنيا عليك انت فين يابني ومرجعتش البيت ليه وعصام واقف بيبص على إبراهيم ومش بيتكلم وإبراهيم قاله تاني

إبراهيم انت يابني مش بترد ليه ياعصام انا بكلمك ماترد عليا وفجأة قرب عصام من إبراهيم ولما شاف وشه قال ابراهيم اعوزو بالله من الشيطان الرجيم انت ايه انت عامل كده ليه عصااام مين اللي عمل فيك كده عصام منك لله يا ابراهيم انت السبب هي مش هتسبنا في حالنا وهتاخدنا واحد واحد مش هستبنا وانت السبب انت السبب ابراهيم انا السبب في ايه ياعصام انا مش فاهم حاجة عصام رد عليا انا السبب وانت مين اللي عمل فيك كده عصااام رد عليا يا عصااام عصااام وفجأة دخلت امه عليه وقدت النور وقالت له

الام بسم الله الرحمن الرحيم مالك يا ابراهيم في ايه يا حبيبي انت كنت بتحلم ولا ايه ابراهيم بينه,,ج جامد هو هو فين ياما هو فين كان واقف هنا دلوقتي راح فين الام هو مين يابني ده كابوس وح,,ش ولا ايه مالك يا ابراهيم في ايه يابني قولي مالك إبراهيم مفيش ياما ده فعلا كان كابو,,س وحش اوي انا اااا هكمل نوم روحي انتي نامي يلا ياما روحي انا كويس متخافيش عليا

الام طيب يابني انا رايحة انام الله يهديكم ياولادي يارب وخرجت امه من اوضتها وابراهيم قعد يكلم نفسه ابراهيم هو في ايه وعصام شكلة عامل كده ليه وكان قصدة ايه وفضل صاحي ومنامش لحد لما النهار طلع وراح جري على بيت عصام وخبط وسأل عليه وامه قالت له حنان مجاش يابني مجاش انا منمتش طول الليل يا ابراهيم معرفش راح فين انا قلبي واكلني عليه وحاسه انه جرا له حاجة يا ابراهيم