اخت جوزي

المفروض يحترمني.
لكن الاحترام عمره ما دخل البيت ده.
أحمد بص لأمه وقال
كفاية يا ماما… كفاية.
كانت أول مرة يقولها.
وأول مرة هي ما تعرفش ترد.
فضلوا واقفين كام دقيقة، وبعدين خرجوا وهم بيخبطوا الباب وراهم پعنف.
أول ما الباب اتقفل…
أحمد بص لي بعين مليانة ندم.
ممكن نتكلم؟
قلت
اتفضل.
قعد قدامي.
ولأول مرة، بدأ يسمع بدل ما يتكلم.
حكيت له عن كل مرة رجعت فيها من عند أهله وأنا بعيط.
كل مرة كنت أنام وهو نايم، عشان ما يشوفش دموعي.
كل مرة كنت أبيع قطعة بربح بسيط، وهم ياخدوها ببلاش ويقولوا ده حقنا.
وحكيت له عن اللي كسره جوايا يوم قال
دي سفرة مع العيلة… وإنتِ لأ.
أول ما قلت الجملة دي…
غطى وشه بإيده.
وبكى.
كان أول مرة أشوف أحمد بيعيط.
قال بصوت متقطع
أنا استاهل كل اللي بيحصلي.
قلت بهدوء
يمكن.
اديني فرصة.
سكت شوية.
أنا مستعد أقطع علاقتي بأي حد ظلمك.
هزيت راسي.
الموضوع ما بقاش عنهم.
رفع عينه.
أمال عن إيه؟
عن نفسي.
عن الست اللي فضلت أربع سنين بتقنع نفسها إن بكرة هيكون أحسن.
عن مي اللي كانت كل مرة تكسر نفسها عشان تحافظ على بيت… لوحدها.
أنا تعبت يا أحمد.
فضل ساكت.
كان عارف إن الكلام خلص.
بعد أسبوعين…
اتحكم لنا بجلسة صلح.
القاضي سألني
هل فيه أمل ترجعوا لبعض؟
بصيت لأحمد.
كان باين عليه إنه اتغير فعلًا.
لكن في داخلي…
الحب كان ماټ.
قلت للقاضي
لا يا فندم.
خرجت من المحكمة وأنا مطلقة.
أحمد وقف ينادي عليا.
استنيت.
قرب مني ومد لي مفتاح البيت.
ده بيتك.
رجعته في إيده.
البيت مش حيطان.
البيت إحساس بالأمان.
وده أنا فقدته من زمان.
مشيت.
وأنا ماشية، سمعت صوته بيناديني للمرة الأخيرة.
لكن المرة دي…
ما بصتش ورايا.
بعد سنة كاملة…
وقفت قدام الفرع الثالث للبوتيك.
اللافتة الكبيرة كان مكتوب عليها
بوتيك مي.
دخلت، ولقيت عشرات البنات بيشتغلوا.
فيه موظفات، ومصورين، وفريق تسويق.
الحلم الصغير اللي كانوا بيسخروا منه…
بقى شركة.
وفي يوم، وأنا بخلص لايف جديد، لقيت سكرتيرتي بتقول
فيه راجل مستني حضرتك بره.
خرجت.
كان أحمد.
أهدى بكتير.
وشعره كله شاب.
قال بابتسامة حزينة
سمعت إنك بقيتي من أنجح سيدات الأعمال.
ابتسمت.
الحمد لله.
طلع ظرف صغير.
دي آخر حاجة بينا.
فتحته.
كان شيك بالمبلغ اللي كانت عيلته مدينة بيه.
كامل.
ومكتوب تحته بخط إيده
آسف… متأخر، بس من قلبي.
بصيت له.
وقلت
الفلوس ممكن ترجع.
لكن الكرامة… لما بتتكسر، مش دايمًا بتتصلح.
هز راسه.
لف ومشي.
وأنا رجعت لشغلي.
للمكان اللي بنته إيديا.
وللحياة اللي بدأت يوم بطلت أستنى حد يعترف بقيمتي.
تمت.
الفصل الأخير السفرة اللي غيرت كل حاجة
عدّت ثلاث سنين.
ثلاث سنين كاملة ما شفتش فيهم أحمد غير مرتين بالصدفة.
مرة في المحكمة وهو بيخلص آخر ورقة تخص تقسيم الممتلكات، ومرة في افتتاح معرض أزياء كبير، كان واقف بعيد يتفرج من غير ما يقرب.
أما أنا…
فالحياة كانت أخيرًا بتردلي جزء صغير من اللي أخدته مني.
البوتيك بقى خمس فروع.
وبدأنا نصنع ماركتنا الخاصة.
وبقينا بنشحن لكل محافظات مصر، وحتى بره مصر.
لكن أكبر حاجة كنت فخورة بيها…
مش الفلوس.
ولا الشهرة.
ولا حتى النجاح.
أكبر حاجة كانت إن كل بنت اشتغلت معايا كانت بتقبض مرتب يحفظ كرامتها.
كنت بقولهم دايمًا
الرزق عمره ما ييجي من كسر خاطر حد.
…
وفي صباح هادي…
وأنا قاعدة في مكتبي، السكرتيرة دخلت وقالت
مدام مي… فيه ست كبيرة بره، وبتقول إنها لازم تشوف حضرتك.
قلت
اسمها إيه؟
قالت بتردد
أم أحمد.
سكت شوية.
وبعدين قلت
دخليها.
دخلت حماتي السابقة.
لكن دي ما كانتش الست اللي عرفتها.
وشها مليان تجاعيد.
ظهرها بقى محڼي.
وإيديها بترتعش.
فضلت واقفة، كأنها مش عارفة تبدأ منين.
قلت بهدوء
اتفضلي اقعدي.
قعدت وهي باصة في الأرض.
وبعد دقيقة…
لقيتها بټعيط.
أول مرة أشوفها بټعيط.
قالت بصوت مكسور
أنا ظلمتك يا بنتي.
قلبي اتحرك…
لكن ما اتكلمتش.
كملت وهي بتمسح دموعها.
بعد طلاقكم… نيرمين اتجوزت.
وجوزها اكتشف إنها كانت بتكدب عليه في كل حاجة.
الفلوس خلصت.
والجوازة انتهت بعد أقل من سنة.
دلوقتي عايشة لوحدها.
وأحمد…
من يوم ما سبتِ البيت وهو عمره ما رجع زي الأول.
باع العربية.
وساب الشقة.
واشتغل ليل ونهار.
كل ما يكسب جنيه…
يسدد دين من
متابعة القراءة
صفحة
4
/ 5
انت في الصفحة 5 من 5 صفحات