انا البدايه
ياسر كان واقع على الأرض بيبكي زي الطفل، وداليا كانت بتلم حاجتها بسرعة عشان تهرب قبل ما البوليس يجي، وحماتها وسلايفها واقفين يتفرجوا على “الخراب” اللي هما كانوا سببه بصمتهم.
نهلة وهي نازلة على السلم، بصت للمراية اللي في المدخل، وابتسمت لنفسها.. المرة دي شافت “نهلة” بس، ملامحها كانت منورة، والروح اللي كانت محبوسة، أخيراً طارت.
ياسر مكنش لسه استوعب الصدمة، كان بيبص لصور داليا مع الراجل التاني ولورق التنازل المزور وكأنه بيشوف مـ ـوته بعينيه. داليا حاولت تهرب وتجري على الباب، بس ياسر قام زي المجـ ـنون ومسكها من شعرها اللي كان بيعشقه، وصرخ بصوت زلزل البيت:
“كنتي بتبيعي فيا لمين يا داليا؟ ده أنا بنيت ليكي معبد في قلبي، وذليت مراتي وكسرتها عشان ملمح منك! تطلعي متجوزة وبترتبي لقـــ ـتلي وسرقتي؟”
داليا في اللحظة دي قلعت قناع الرقة، وبصت له بمنتهى الجحود وقالتله:
“أيوة.. ومكنتش طايقة لمسة إيدك، كنت بقرف منك ومن ضعفك ومرضك بيا.. أنا متجوزة راجل بجد، مش (خيال) زيك عايش على صور قديمة.. إنت اللي غبي يا ياسر، إنت اللي حطيت رقبتك تحت سـ ـكيني، فماتعيطش دلوقتي!”
النهاية السوداء لياسر وداليا:
ياسر من كتر الصدمة والغل، محملش قلبه الوجع..
وقع في الأرض مشلول الحركة تماماً، جلطة مفاجئة من كتر القهر شلت نص جسمه ولسانه. داليا حاولت تاخد الشنطة وتجري، بس نهلة قبل ما تمشي كانت بلغت البوليس بـ “محاولة تزوير وتشكيل عصابي” بالدليل اللي لقيته في العلبة.
البوليس اقتحم البيت وهي بتحاول تهرب، واتقبـ ـض عليها “تلبس” بالورق المزور وباسبورات سفر مزورة لها ولجوزها التاني. داليا اتسجـ ـنت بتهمة التزوير والابتزاز، وخسرت كل مليم كانت بتحاول تسرقه، وجوزها “الأصل” هرب وسابها تواجه مصيرها لوحدها وطلقها في السجـ ـن.
عقاب ياسر:
ياسر بقى عايش “جـ ـثة” فوق سرير في أوضة “داليا” اللي كان بيحبها.
بقى محبوس وسط صورها اللي بقت بتفكره بـ “قذارتها” كل ثانية، وهو مش قادر حتى يرفع إيده عشان يقطع صورة واحدة منها. حماته وسلايفه اللي كانوا بيشجعوه على ظلـ ـم نهلة، بقوا هما اللي بيخدموه بـ “تأفف” وقرف، وبقوا يرموا له القمة بحساب، وبقوا يتمنوا مـ ـوته عشان يخلصوا من خدمته.
عوض نهلة:
أما نهلة، فبعد شهور من طلاقها، ربنا فتح لها أبواب الرزق. اشتغلت وطورت نفسها، وملامحها اللي كانت “شبه داليا” اتغيرت تماماً.. الهم زال من وشها فبقت أجمل بكتير، وبقت شخصية قوية وليها كيان.
