زهره
خالد بتأكيد احنا لازم نحافظ على شكل العيلة يا ماما وده مش طبيعي يعني لو كانت ضيفتنا لمدة يومين تلاتة ماشي بس أكتر من كده دول ست شهور
زهرة بهدوء وحزن عندكم حق انا اسفة والله و لو وجودي هيعمل مشكلة بينكم أنا همشي
منال بسرعةوهي بتبص لولادها پغضب انتو هو ده اللي همكم كلام الناس يعني الناس مكنتش بتتكلم وبنتي بتقعد بالشهور مبتطلش علي امها ولا ابنها اللي مصدق مراته قالتله يلا نبعد وخدها وجري اسمعو زهرة دي بنتي ومش هسمح لأي حد فيكم يحسسها إنها غريبة انتو فاهمين
في اللحظة دي قصي دخل فجأة و شاف اللي بيحصل وشه كان باين عليه الڠضب لما شاف نور و خالد بيضغطوا على زهرة وسمع اللي امه قالته
قصي بصوت عالي وهو بيقف قدامهم
إيه اللي بيحصل هنا
نور بتتتكلم بتوتر
إحنا بنقولها تمشي يا قصي الناس بدأت تتكلم عننا
خالد پغضب
إزاي تفضل هنا كل الشهور دي ده مش طبيعي والناس ليها حق تتكلم
قصي پغضب زهرة هنا معانا عشان هي ضيفتنا وإذا كنتوا مش قادرين تحترموا وجودها فالأحسن تسيبوا المكان اما بالنسبة لكلام الناس فمش فارقلي يقوله اللي عاوزينه
نور تنحت ومكنتش قادرة تصدق
إيه ده! يعني مش همك سمعتنا وبتضحي بيها عشانها
قصي بجدية
أيوه هدافع عنها! ومش هسمح لأحد يتكلم عنها بالشكل ده لو في مشكلة مع وجودها أنا المسؤول عنها ومش هسمح لأي حد يتدخل
زهرة بحزن قصي لو سمحت ملوش لزوم هما عنهم حق انا لازم امشي وكفايا اللي عملتوه معايا حقيقي مش هنساه ابدا
قصي بقوة
زهرة انتي هتفضلي هنا وانتو
لو عندكم أي اعتراضات الكلام معايا مش مع زهرة فهمتوا
منال بشفقة
وانا مش هسمح لأي حد فيكم يضايق زهرة انتو قلوبكم دي ايه حجر
قصي بجدية يانور انتي وخالد لازم تفهموا إن كلامكم مش هيفيد ويا تيجو هنا بصفتكم اخواتي اللي بيزوروني انا وماما ياما متتعبوش نفسكم وتسألو
زهرة باحساس بالذنب قصي أنا مش عايزة أكون سبب مشاكل ليك مع اخواتك لو سمحت خليني امشي
قصي باندفاع يبقي توافقي تتجوزيني أيوه أنا عايز أتجوزك يا زهرة
زهرة پصدمة انت بتقول ايه!
تم كتب الكتاب بعد موافقة زهرة اللي مترددتش لحظة ووافقت تتجوز قصي وكانت حاسة انها لاول مرة مش خاېفة ولا مجبرة علي شئ بعد كام يوم في قاعة أفراح و الناس في كامل أناقتهم كانت واقفة زهرة جمب قصي بعد ما اقنعها انها تيجي معاه فرح صاحبه رغم خۏفها من انها تشوف حد او حد يشوفها
