مكه وقفه في نص الصوان
مكة ابتسمت لاول مرة من يوم ما وليد مات ابتسامة صغيرة اوي بس سعيد حس ان الشقة نورت.
وجت لحظة الولادة كانت الساعة اتنين بالليل ومكة بتصرخ من الوجع وسعيد مش عارف يعمل ايه شالها ونزل جري في الشارع مفيش تكاتك ولا عربيات شالها على كتفه وفضل يجري لحد المستشفى وهو حافي وبيعيط وبيقول يا رب يا رب قومها بالسلامة.
دخلت العمليات وولدت بنت زي القمر سموها اسيل على اسم الحاجة اسيل.
سعيد دخل شافها وهي نايمة وتعبانة والبنت الصغيرة جنبها نايمة وشها احمر وحلو اوي قعد جنبها ومسك ايدها وقالها حمدالله على سلامتك يا مكة.
مكة فتحت عينيها لقيته ماسك ايدها ودموعه نازلة على خده وبيبص للبنت كأنها بنته هو.
قالتله بصوت تعبان اسيل شبهك ولا شبه وليد.
سعيد اتلخبط وقال لا شبهك انتي شبه القمر زيك.
من بعد الولادة العلاقة اتغيرت خالص سعيد بقى اب بجد لاسيل الصغيرة بيصحى بالليل يغيرلها ويعملها الببرونة ومكة نايمة تعبانة وهي بقت تسيبه يشيلها وتطمن وهو شايلها.
الحاجة اسيل كانت مبسوطة اوي وشايفة ان الجوازة دي كانت صح واياد كان بيقول لاخوه ايوه كده يا واد استرجل وبقى راجل ومسؤول.
بس اسراء كانت بتسخن الدنيا كل شوية تطلع تقول لمكة ايه يا مكة هتفضلي نايمة وسايبة جوزك يربي البت لوحده ولا ايه ولا هو جوز مصلحة بس.
مكة كانت بتسكت بس الكلام كان بيوجعها.
وفي يوم سعيد كان قاعد بيلعب اسيل الصغيرة اللي عندها اربع شهور ومكة دخلت عليهم لقيته بيغني لها اغنية اطفال بصوته الوحش وهي بتضحك بصوت عالي.
مكة ضحكت وقالت ايه الصوت الوحش ده يا سعيد هتعقدي البت.
سعيد ضحك وقال وانتي مالك ما تسيبيها مبسوطة معايا.
مكة قعدت جنبه على الارض وقالت سعيد هو انت ندمان انك اتجوزتني.
سعيد بص لها وسكت شوية وقال بصراحة في الاول كنت ندمان وكنت شايفك انتي السبب في اني اتحبست ومتجوزتش اللي انا بحبها واخترتها بس دلوقتي لا والله يا مكة انا بحمد ربنا كل يوم ان ابويا غصب عليا عشان اتجوزك.
مكة عينيها دمعت وقالت وانا كمان يا سعيد انا كنت شايفاك عيل صغير وكنت بكرهك عشان انت اخو وليد وكنت حاسة انك واخد مكانه غصب بس انت طلعت احن من وليد نفسه وليد الله يرحمه كان طيب بس كان قاسي شوية انما انت حنين اوي.
