مكه وقفه في نص الصوان
سعيد قرب منها وقال مكة انا عارف انك لسه بتحبي وليد وده حقك وانا عمري ما هطلب منك تنسيه بس انا عاوز اطلب منك تديني فرصة اكون جوزك بجد مش على الورق بس.
مكة سكتت شوية وبصت لاسيل اللي نايمة بينهم وقالت انا موافقة يا سعيد بس بشرط تفضل تحب اسيل زي ما بتحبها دلوقتي ومتفرقش بينها وبين ولادك بعد كده.
سعيد حضنها وحضن اسيل وقال دول ولادي اللي ربنا بعتهوملي انا عمري ما هفرق.
ومن ساعتها البيت المقفول اتفتح بابه وشبابيكه ودخله نور وشمس وحب اتولد غصب عن الكل بس اتولد صادق ونضيف مكة بقت تشوف سعيد راجلها وسندها وسعيد بقى يشوف مكة حبيبته وام بنته اللي على اسم امه اسيل واللي بقت شبهها في كل حاجة والبيت اللي كان كله عياط بقى كله ضحك ولعب وربنا عوضهم هما الاتنين عن الوجع اللي شافوه.
بعدها بفترة الحاج سعيد تعب ودخل المستشفى وسعيد ومكة فضلوا جنبه ليل نهار ومكة كانت بتعمله الاكل بأيديها وتطلعهوله لحد فوق وهو كان بيقولها تسلم ايدك يا بنتي انتي بنت حلال وربنا بعتك لينا نجمة تنور بيتنا واسيل الصغيرة كانت بتجري في البيت وتقول جدو جدو وتضحك الكل واسراء كمان قلبها رق وبقت تحب مكة بعد ما شافت انها شايلة البيت كله على كتافها وبقت تقولها حقك عليا يا مكة كنت بغير منك.
وفي يوم عيد ميلاد اسيل الاول سعيد عمل مفاجأة وجاب تورتة كبيرة وكتب عليها اسيل بنت قلبي سنة حلوة يا اول فرحتي ومكة شافت الكلمة وقعدت تعيط من الفرحة وحضنته قدام كل العيلة وقالت ربنا يخليك لينا يا سعيد يا ابو اسيل والعيلة كلها زغرتت والجيران جم يباركوا والحي كله عرف ان قصة الارملة والصعيدي اللي كانت على اسم جوزها بقت قصة حب كبيرة مفيش زيها وان الورث الحقيقي مش فلوس ولا ارض الورث الحقيقي هو الحنية والستر والراجل اللي يصون.
وعاشوا بعد كده مع بعض ومع اسيل الصغيرة ومع ولادهم اللي جم بعد كده اياد الصغير وسعيد الصغير حياة حلوة مليانة رضا وحب كبير وكل ما حد يسأل مكة اتجوزتي ازاي تقول اتجوزت على اسم جوزي بس حبيت جوزي التاني بقلبي كله.
وفي ليالي الشتا الطويلة كان سعيد يولع المنقد ويقعد يحكي لمكة عن احلامه انه يبقى مدرس ويعلم العيال القراية والكتابة ومكة كانت تسمعه وتقول له هتبقى احسن مدرس في الدنيا يا سعيد عشان قلبك ابيض والعيال بتحب اللي قلبه ابيض وكانوا يقعدوا يشربوا شاي بالنعناع واسيل نايمة في حضن مكة متدفية بيهم والبرد برا بيخبط في الشبابيك بس جوا البيت دفا وحب.
