خطيبه جوزي كـاملة بقلـم أماني سيد
بقالى فترة جوزى متغير معايا حاولت أعرف منه السبب لكن للأسف مقدرتش لحد ما حماتى طلعتلى شقتى وفهمتنى كل حاجه انا كوثر عايشه فى بيت عالى اتجوزت جواز تقليدى فى بيت عيله يوم ويوم بنزل اشوف طلبات حماتى واخدمها لكن جوزى بقاله فتره معايا متغير بيرد على اد السؤال مصروف البيت بقى يقل النص حاولت اكلمه افهم في ايه ماعرفتش لحد ما حماتى طلعتلى الشقه وقالتلى
بصى كامله على صفحتى قصص وروايات أمانى سيد يا كوثر انا ابنى كان بيحب بنت خالته من أيام الجامعة وهى سافرت مع أهلها وكان حصل مشكله لانها مكنتش عايزه تسكن فى بيت عيله وعشان نخليها ترجع ونغيظها تبنى اتجوزك وفعلاً الخطه مشيت كويس وهى رجعت بس شارطه أن ابنى يسكن بره بيت العيله وبصراحه المره دى هو وافق عشان ما تبعدش عنه تانى وهو مش عارف يقولك ازاى هو هيسيبك هنا فى الشقه دى تقعدى معانا وهو هيتجوز بره هو خلاص قرا الفاتحه واشترى الدهب
بصي يا كوثر، متبلميش كدة وتقولي مكملناش سنة.. السنة دي كانت تصبيرة لحد ما قلبه يهدى، لكن الحنين غلاب يا بنتي. ابني كان بيصحى وينام على صورتها، الجوابات اللي كان كاتبها لها من أيام الكلية لسه شايلها في وسط هدومه، وعمره ما نسي ريحتها ولا ضحكتها.
إنتي كنتي مجرد دوا عشان ينسى جرحه منها لما سافرت وسابته، وسبحان الله، كأن ربنا أراد ميبقاش فيه عيال تربطكم ببعض عشان لما ترجع يلاقي الطريق فاضي. هو قالي بالحرف يا أمي أنا عمري ما حبيت حد غيرها، وكوثر ست طيبة وملهاش ذنب، بس مش قادر أظلـ .ـم نفسي وأعيش مع واحدة عقلي مش معاها. هو دلوقتي طاير من الفرحة، اشترى لها شبكة مكنتيش تحلمي بنصها، وفرحان إنه أخيراً هيسكن معاها في الشقة اللي كانت بتتمناها
بره بيت العيلة. إنتي بقى لو عايزة تشتري كرامتك، خليكي هنا في شقتك، ست بيت معززة مكرمة وتخدميني زي ما كنتي، وليكي مصروفك، لكن قلبه.. قلبه خلاص راح لصاحبة نصيبه الحقيقية. مش عايزة نكد بقى ولا عياط، ده ابني وأنا عايزة أشوفه متهني مع اللي اختارها قلبه من سنين.
وعلى فكرة يا كوثر، ابني زمانه على وصول هو وخطيبته، أصل البنية كان نفسها تشوف الشقة القديمة وتتعرف عليكي، ما هي أصلها طيبة وقلبها أبيض، وقالتلي يا طنط، لازم كوثر تفهم إني مش داخلة أخد مكانها، إحنا أخوات. فيا ريت تبيضي وشي قدامها، وتقومي كدة تغسلي وشك وتعمليلنا حاجة نشربها، وعامليها كويس، دي هتبقى ست الهوانم بره وجوه. كوثر واقفة مكانها، رجليها مش شايلاها، لسه بتستوعب السم اللي سمعته، وفجأة الباب اتفتح..
