روايه جديده
أنا أنقذت حياة أختي واتبرعتلها بكليتي.. وبعدها اكتشفت إنها على علاقة بجوزي! عشان كده عزمتهم على عشا عمرهم ما هينسوه.
لما أختي الصغيرة ندى جيلها فشل كلوي، مأترددتش ولا ثانية.. واتبرعتلها بكليتي فوراً. ما كناش قريبين أوي من بعض، بس كنت بحبها جداً وكنما بنقول “الدم ما يبقاش مية”.
وقتها، جوزي أحمد كان ماسك إيدي وبيشجعني ويقولي إني بعمل الصح، ووعدني إننا هنعدي الأزمة دي سوا.
الصدمة اللي هزت كياني
بعد العملية بشهر، تليفون أحمد اتهز، فرفعته بالغالط فاكراه تليفوني (لأن تليفوناتنا زي بعض بالظبط). وهنا كانت الصدمة.. شوفت رسالة من ندى:
”يا حبيبي، هنقابل بعض تاني في الأوتيل ده إمتى؟ وحشتني أوي.”
وإيديا بترتعش، فتحت الشات بينهم.. ولقيت إن علاقتهم دي بقالها أكتر من 6 شهور! مقابلات في أوتيلات مختلفة، وسفريات لمحافظات تانية في الوقت اللي كان بيقولي فيه إنه مسافر “شغل”.. وحاجات تانية كتير تشيب.
حسيت إن الأرض بتلف بيا وبلعتني. أنا وأحمد متجوزين بقالنا 9 سنين، وعندنا بنوتة. ازاي هان عليه يعمل كده؟ وطيب وندى؟ دي أختي.. من دمي ولحمي! ده أنا لسه مدياها حتة من جسمي!
في اللحظة دي حسيت بقلبي بيتكسر ميت حتة. كنت موجوعة وعايزة أصرخ في وشهم وأقولهم على كل القرف اللي عرفته.. بس مسكت نفسي وعملت مش واخدة بالي، لأن في فكرة “جهنمية” لمعت في دماغي.
على مدار الأيام اللي بعدها، قعدت أرتب لخطتي في هدوء. بعدها اقترحت على أحمد نعمل عشا عائلي ونعزم ندى. هو طبعاً فرح جداً ووافق على طول.
كلمت ندى في التليفون وقولتلها:
— “أهلاً يا ندى.. أنا عزماكي بكرة على العشا عندنا.”
ردت عليا وهي بتضحك وسعيدة:
— “يا حبيبتي طبعاً جاية، ده احنا هنتبسط أوي مع بعض.. أجيلكم الساعة كام؟”
قولتلها:
— “الساعة 7.. أه طبعاً.. هنتبسط أوي مع بعض…”
المغفلين ما كانوش يعرفوا إيه “المفاجأة” اللي مستنياهم..
روايــات_مشـيره_مـحمد
جه اليوم الموعود. من الصبح وأنا بشتغل في المطبخ طاقة ونشاط غريب، بس جواه غليان وبرود مريب في نفس الوقت. عملت كل الأكلات اللي أحمد بيحبها، والمحاشي والصواني اللي ندى بتموت فيها. كنت واقفة بقطع الخضار والس*كينة في إيدي، وببص لنفسي في مراية المطبخ وأقول: “صبرك بالله يا ندى.. صبرك بالله يا أحمد.. الليلة ليلتكم”.
