مفتاح الخزنه انجى الخطيب

مراتي كانت قاعدة على كرسي صغير في ركن المطبخ زي الخدامة. طبقها مكنش فيه غير شوية رز وخضار،

وملمستش أي حاجة من الأكل الأساسي.
واحد من العيال الصغيرين داق حتة فراخ وراح راميها في الطبق وقرفان دي طعمها وحش!
والست اللي كانت قاعدة في الصالة قالت ببرود والشوربة ملحها زيادة.
أمي صوتها علي فوراً سمعتي يا نور؟
نور ردت بصوت مكسور حاضر يا ماما.. حاضر.
الليلة دي منمتش. لما نور نامت، سحبت نفسي ورحت المكتب. فتحت نظام المراقبة بتاع البيت.. النظام اللي أنا مجمعه ومصممه بنفسي. جبت تسجيلات اليوم اللي سافرت فيه.
اليوم التالت القرايب وصلوا. الراجل دخل وبدأ يتفحص البيت.. وقف قدام الخزنة اللي في الحيطة..

الست ابتسمت وقالت كلمة قريت حركت شـ,ـفايفها فيها البيت ده يساوي ملايين.
من اليوم ده، حياة نور اتحولت لسجن. صحيان من الفجر.. طبخ.. تنضيف.. غسيل على الإيد.. تربية عيالهم.. أوامر من أمي ومن الست الغريبة.
يوم 25 أنا كنت بتصل بيها. اسمي ظهر على شاشة موبايلها حبيبي إياد. نور مدت إيدها بلهفة ترد.. راحت أمي سحبت الموبايل منها وكنسلت المكالمة وقالت لها مترديش.. هو مشغول. وشفت أمي وهي بتعمل تحويل مكالمات لرقمها هي عشان تضمن إن نور متعرفش توصل لي!
كنت لسه هقفل الشاشة، لما شفت آخر فيديو اتسجل.. إمبارح الساعة 1152 بليل.

نور كانت لوحدها في الصالة بتمسح في صمت.. الباب الخارجي اتفتح والراجل القريب ده دخل. بص يمين وشمال يتأكد إن مفيش حد.. وطلع من جيبه مفتاح الخزنة بتاعتي!
بص لنور بابتسامة خبـ,ـيثة وقال جملة خلت دمي يبقى تلج اصبري بس شوية.. خلاص، الوقت قرب.
قمت من مكاني والكرسي وقع ورايا.. عشان الخزنة دي ملهاش غير نسختين مفاتيح بس. نسخة معايا.. والنسخة التانية كانت أمانة مع أمي!
بقلم انجي الخطيب
قمت من مكاني بسرعة لدرجة إن الكرسي اترزع في الحيطة ورايا.
للحظة، مكنش فيه نور في الأوضة غير ضوء شاشة المراقبة اللي حامي عيني من العتمة.

على الشاشة، الراجل اللي أبويا قال عليه قريبنا كان واقف في مكتبي وكأنه صاحب البيت، بيقلب النسخة التانية من مفتاح خزنتی بين صوابعه، ونور بتمسح الصالة في صمت. بص لها وابتسم وقال هانت.. مكنش فاضل غير القليل.
وقتها بس اتأكدت إن الموضوع ملوش أي علاقة بكرم الضيافة.
ولا هو مساعدة قرايب جايين من البلد، ولا هو صلة رحم، ولا حتى إن أمي طبعها صعب زي ما كنت دايماً ببرر لنفسي. ده كان تخطيط.. ومؤامرة. وأي حاجة هما مستنيينها، كانت جوه الخزنة الحديد اللي متثبتة في الحيطة ورا برواز لوحة جدي.