مفتاح الخزنه انجى الخطيب
وإزاي كريم كان بيقف قريب منها بزيادة كل ما يحب يجبرها على حاجة. ملامح الدكتورة اتحولت للحياد المهني الصارم.. الحياد اللي الدكاترة بيلبسوه لما بيقرروا يوثقوا الجريمة في الروشتة.
الساعة 1045 الصبح
نور كانت قاعدة في أوضة في فندق هادي متأمن عن طريق حازم المحامي. مكان مش للاستخبا، ده للحماية.
في الأول كانت خايفة ورافضة لو مشيت هيعرفوا إن فيه حاجة.
هما أصلاً عارفين إن فيه حاجة اتغيرت، قلت لها.. خليهم.
وبعدين مسكت وشها بإيدي الاتنين واتأكدت إنها سامعة وعينها في عيني إنتي مش هترجعي البيت ده تاني وأنتي مش متأمنة.
لا عشان أمي، ولا عشان المظاهر، ولا عشان أي حد مسمي نفسه عيلة.
غمضت عينيها وسندت على كف إيدي. كان فيه إرهاق، بس تحته ولأول مرة من ساعة ما رجعت، كان فيه إحساس بالراحة. راحة حقيقية هدت حيلي أنا شخصياً.
الضهر
البيت كان متلغم زي ما أكون بأسس شبكة تجسس.
شيلت كل الورق الأصلي من الخزنة، وسبت نسخ مختومة طبق الأصل، وعقدين مضروبين حازم المحامي جهزهم في ساعتين، وتلات رزم فلوس باينة من بره بس من جوه ورق أبيض. ركبت كاميرا دقيقة جداً فوق البرواز موجهة دايركت على باب الخزنة.
النقيب مروة ظابطة مباحث نظرتها تقطع في الحديد كانت قاعدة في عربية التموين اللي راكنة على ناصية الشارع بتابع البث المباشر.
سبت الخزنة شغالة. سبت مكان المفتاح الاحتياطي شغال. وسبت الباسوورد زي ما هو، لأن نور قالت لي إن أمي عرفته من سنين. الغرور له فوايد. . والتوقع كمان.
الساعة 220 الضهر، اتأكدت إن الكل سامعني وأنا بكلم واحد زميليوبزعق إن فيه مصيبة في موقع أسوان وممكن أضطر أطير الفجر. كريم كان في الطرقة. أمي كانت في المطبخ بتعمل نفسها بتقطع ليمون وسكتت عشان تركز في المكالمة.
بالليل
الجو على العشا كان مختلف.. حذر بزيادة.
أمي كانت لطيفة بشكل مقرف. سلوى بتمدح في الأكل. كريم قالي يا أخويا وهو بيبتسم ابتسامة تليق بنصاب عربيات مستعملة. أبويا كان باصص في طبقه. العيال بس هما اللي اتصرفوا بطبيعتهم.. يعني بأدب معدوم.
مأكلتش تقريباً.
الساعة 910 بالليل، قلت لهم إني هلكان وطالع أنام عشان مكالمة أسوان الفجر. أمي هزت راسها بسرعة. كريم ضحك وقال البيزنس مابينامش يا بطل.
طلعت السلم، قفلت باب أوضتي، نورت نور الحمام، ودخلت من دولاب الهدوم على الممر السري بتاع الخدمات اللي كنت مصممه في البيت عشان الصيانة والأسلاك. ومنه.. نزلت لأوضة المراقبة في البدروم.
