صوت كعب حذائها

ما أن أدركت دهب الصوت من خلفها، أغمضت عينيها وعضت على شفتيها بغضب مكتوم، تقدمت كاميليا إليهن أكثر، وبنظرات متسمتعة رأت صدمة رقية والغضب الأسود في عين ابنتها، ولم تبالِ بل تحمست أكثر، التوت فمها بابتسامة خبيثة وقالت:
_ مر وقت طويل بعد آخر مقابلة بينا يا رقية
لو كانت النظرات تحرق لأحرقتها نظرات رقية بما فيهم من كره وإحساس بالغدر كانت هي أسبابه.

تدخل ذلك الصوت الأجش القوي من خلفهم:
_ رقية هانم يا كاميليا، اوعي تنسي إنتي مين وهي مين
اتسعت عينان دهب بذهول، حتى صدر منها شهقة خافتة لم ينتبه لها سوى رقية التي نظرت لها لبرهة ثم إلى كاميليا المتحدية بنظراتها للجميع.
قالت رقية لها بوقارها:
_ ازاي تسمحي لنفسك تيجي هنا يا كاميليا، لو تفتكري آخر مقابلة بينا حذرتك تخطي برجيلك قصر خالد رشيد
ضيقت دهب حاجبيها، وعينيها تدور بينهما وعقلها لا يستوعب شيء مما يحدث أمامها، ولكنها تشعر بالخطر، خطر تقوم به والدتها وماضي أسود بين هؤلاء الأشخاص لا تعلم عنه شيء.
واستكملت حلقة المفاجآت بذلك الصوت من خلفها يقول بغضب ووجه كلما ما يظهر:
_ اطلعي برة يا كاميليا، وجودك غير مرغوب فيه، إلا لو كنتي عايزة فضائح والدفاتر القديمة تتفتح
ارتفع أحد حاجبي كاميليا ورغم غليانها الداخلي إلا أنها قالت ببرود:
_ كده برضو يا قاسم، طب دول أغراب، إنما أنا أمك
_ اخرسي
قالها بقوة، انتفضت دهب على أثرها، وكأنها تمثال لا تقوى على التحرك لتستدير له
فجأة جذبت دهب من ذراعها بقوة هاتفه بغيظ:
_ يلا يا دهب
هتف موسى فجأة وتصدر لها قاسم:
_ دهب مش هتمشي معاكي

التفتت عينيها وقالت بصوت أجش:
_ أسيبهالك بإمارة إيه، الاتفاق اللي بينا ما تنفذش
تمتمت دهب من خلفهما بخفوت، ثم نظرت لموسى بدهشة وكأنها تسأله وبشفتيها فقدتا لونهما:
_ اتفاق!

الخامس عشر

للحبِ أمارات….لو لم يكن بوسعك التضحية…. يكن واجبًا عليك الاحتواء.
ما أسهل التشدق بكلمات الهيام… أما الهوى فله أمارات أخرى.

سارة حسن

انتي إزاي تتصرفي بالشكل ده؟
هتفت نازلي قبالة كمال الحانق من أفعالها:
_ انت إزاي تصرخ في وشي بالطريقة دي بدل ما تشكرني على اللي عملته؟

_ وإيه اللي عملتيه غير إنك صدقتي لأنك عايزة تصدقي، نزلتي بمستواكي اللي طول الوقت بتتكلمي عنه لأشكال زبالة زي دول
بجنون صرخت به نازلي:
_ انت فاهم انت بتقول إيه؟ انت بتلومني إني صدقتهم ومش جايب أي لوم على بنت أخوك واللي عملته واللي باين في الصور
رمي بالصور على الأرض وقال:
_ فيروز قالت لأسيل عن تجاوزاته وقلة أدبه وسبب أنها مشيت من البيت هو ده، يا نازلي هانم، انتي صدقتي لأنك عايزة تصدقي، انتي سطحية ومتفهميش في معدن الناس
اتسعت عينيها رافضة إهانته بعجرفة:
_ أنا لسه على موقفي، البنت دي مش هايجي منها خير، والأيام بينا، وبكرة تقول نازلي قالت